Abafana b’ikipe ya Manchester United baririmbiye Cristiano Ronaldo indirimbo zo kumusingiza ubwo umukino wahuzaga Juventus na Manchester United wari urangiye ari kwinjira mu rwambariro.

Sponsored Ad

Nubwo Ronaldo yari amaze gufasha Juventus kubababaza,abafana ba Manchester United bamweretse urukundo ndetse bamuririmbira indirimbo bavuga bati “Harakabaho Ronaldo.”

Aba bafana b’imitima itaryarya beretse Cristiano Ronaldo ko bazirikana ibyo yabakoreye ubwo yakinaga muri Manchester United kuva mu mwaka wa 2003 kugeza 2009 yerekeje muri Real Madrid,banga gusohoka muri stade,bamukomera amashyi y’urufaya ubwo yinjiraga mu rwambariro.

Bamwe mu bafana 4 ba Manchester United binjiye mu kibuga bagiye gusuhuza Ronaldo,ntiyabihunza ahubwo arabegera hari n’uwacyuye agafoto k’urwibutso bari kumwe.

Juvetus yaraye itsindiye ku Manchester United igitego 1-0 ku kibuga cyayo Pld Trafford,igitego cyatsinzwe na Paulo Dybala ku mupira yahawe na Ronaldo.