Mu gihe Real Madrid yifuza ko rutahizamu Edinson Cavani yaza kongera ingufu mu busatirizi,abafana bayo babwiye ubuyobozi ko bifuza ko umwongereza Harry Kane ariwe ukwiriye kuza kuziba icyuho cya Cristiano Ronaldo uherutse kubacika akigira muri Juventus.

Sponsored Ad

Abafana barenga ibihumbi 200 ba Real Madrid batoreye ku kinyamakuru MARCA kiba hafi ya Real Madrid ko kapiteni w’Ubwongereza Harry Kane ariwe bifuza ko ubuyobozi bwabo bwazana.

Harry Kane arifuzwa i Madrid

Harry Kane wigaragaje mu gikombe cy’isi mu Burusiya agatsinda ibitego 6 byamufashije ayoboye ba rutahizamu,arifuzwa n’abafana ba Real Madrid batishimiye kugenda kwa Cristiano Ronaldo.

Ronaldo yavuye muri Real Madrid ayimazemo imyaka 9 ndetse mu mikino 438 yayitsindiye ibitego 450,ayihesha ibikombe 16 byose.

Harry Kane aherutse kwereka abamwifuza ko adashaka gusohoka muri Tottenham ubwo yasinyaga amasezerano mashya azamugeza mu mwaka wa 2024.