skol
Kigali
startimes

Abakinnyi ba APR FC basubiye mu miryango yabo bari mu modoka nziza cyane [AMAFOTO]

Imyidagaduro   Yanditswe na: Dusingizimana Remy 17 December 2020 Yasuwe: 7036

Ku mugoroba wo kuwa Gatatu tariki ya 16 Ukuboza, abakozi b’ikipe y’ingabo z’igihugu basubiye mu ngo zabo nyuma yo gupimwa icyorezo cya COVID-19 mu rwego rwo kubahiriza icyemezo cya Minisiteri ya Siporo yahagaritse shampiyona y’umupira w’amaguru kubera ubwiyogere bw’icyorezo cya COVID-19.


Saa kumi z’umugoroba nibwo abakinnyi bose ndetse n’abakozi bareberera ubuzima bwa buri munsi bw’ikipe basohotse muri Hotel ya Diana Fossey Nyiramacibiri iri i Gisenyi basubira mu ngo zabo nyuma yo kubona ibisubizo bya COVID-19, mu gihe bategereje itangazo rya Minisiteri ya siporo ribagarura mu kazi.

Shampiyona y’umupira w’amaguru 2020-21 yahagaritswe ku Cyumweru tariki ya 13 Ukuboza, nyuma y’iminsi APR FC ikinnye umukino w’umunsi wa gatatu ari nawo wari uwayo wa mbere yatsinzemo Kiyovu Sports igitego 1-0 kuri Stade ya Kigali.

Mu kiganiro n’abanyamakuru cyabaye kuri uyu wa Gatatu, kigaruka ku ngamba zo kwirinda icyorezo cya COVID-19, Minisitiri wa Siporo, Munyangaju Aurore Mimosa, yavuze ko Shampiyona izasubukurwa vuba bitewe n’aho ibiganiro na FERWAFA bigeze.

Yavuze ko kandi ibyo bizagerwaho mu gihe iri Shyirahamwe rizaba ryagaragaje uburyo buhamye bwo kurinda abakinnyi n’abatoza no gukumira ubwandu bwagaragaye mu makipe.

Ati “Urwego rushinzwe umupira w’amaguru umunsi ku wundi, nk’uko twabibasabye barimo gusubiramo amabwiriza n’ingamba bita ku ngingo imwe ku yindi ndetse bakazashyikiriza inzego za Leta zishinzwe kurwanya COVID-19 uko izo ingamba zizubahirizwa.”

“Umwihariko hano ni uwo kurinda cyane no gukumira ubwandu mu bakinnyi, no mu bandi bakozi b’ikipe ndetse n’abandi barebwa n’iyi Shampiyona. Hagomba kugaragara uburyo hazabaho gukumira ubu bwandu n’uburyo umwiherero uzasubukurwa kuko warahagaze. Byose ni ingamba bagomba kugaragariza urwego rwa Minisiteri, bakabitugaragariza, noneho tukabona kubyigaho n’izindi nzego zibishinjwe. “

Yakomeje agira ati “Igihe bazaba babitugejejeho nibwo tuzabyigaho nabo bakabona igisubizo, ariko Shampiyona yo izasubukura vuba nkurikije ibiganiro bimaze iminsi biri hagati yacu n’urwego rushinzwe umupira w’amaguru mu Rwanda.”

Amakipe umunani yamaze kugaragaramo ubwandu bwa COVID-19, yatangajwe na Minisiteri ya Siporo, ni Rayon Sports, APR FC, AS Kigali, Marines FC, Musanze FC, Rutsiro FC, Amagaju FC na Rutsiro FC.





Source:APR FC Website

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cristiano Ronaldo ahembwa umushahara uruta uwo amakipe 4 yo muri Serie A...

Kizigenza Cristiano Ronaldo ukinira ikipe ya Juventus uhembwa amafaranga...
15 January 2021 Yasuwe: 2943 0

Didier Drogba yahishuye uko yatandukanye n’umugore we nyuma y’amafoto...

Uwahoze ari rutahizamu wa Chelsea n’ikipe y’igihugu ya Cote d’Ivoire,Didier...
15 January 2021 Yasuwe: 4463 0

Zidane yafatiye ibihano bikomeye Vinicius Jr wakoze igikorwa...

Umutoza Zinedine Zidane w’ikipe ya Real Madrid yafatiye ibihano Vinicius Jr...
14 January 2021 Yasuwe: 5331 0

Paul Pogba yahaye ubutumwa Liverpool bahataniye igikombe cya...

Umufaransa Paul Pogba ukina hagati mu kibuga mu ikipe ya Manchester United...
14 January 2021 Yasuwe: 4668 0

Munyakazi Sadate wahoze ayobora Rayon Sports yategeye akayabo Amavubi ku...

Uwahoze ari Perezida wa Rayon Sports mbere y’uko yeguzwa na RGB mu mwaka...
13 January 2021 Yasuwe: 4791 0

Pierre-Emerick Aubameyang yahishuye impamvu yasubiye inyuma n’icyo agiye...

Rutahizamu akaba na Kapiteni w’ikipe ya Arsenal, Pierre-Emerick...
13 January 2021 Yasuwe: 4350 0