Kigali

Abakinnyi babiri ba Chelsea FC barwaniye mu myitozo ya nyuma yo kwitegura gucakirana na Arsenal

Imyidagaduro   Yanditswe na: Dusingizimana Remy 29 May 2019 Yasuwe: 3926

Mu myitozo ya nyuma ikipe ya Chelsea yakoze ku munsi w’ejo yitegura gucakirana na Arsenal kuri uyu wa Gatatu mu mukino wa nyuma wa UEFA Europa League,abakinnyi bayo babiri barimo Gonzalo Huguain na David Luiz bakozanyijeho bituma umutoza Sarri ahagarika imyitozo igitaraganya.



Aba basore babiri bahuriye ku mupira muri iyi myizozo bigatuma bombi barakara bagakozanyaho barakaje cyane umutoza Maurizio Sarri wahise wivumbura ahagarika imyitozo ndetse amashusho yamugaragaje ari kujugunya ingofero yari yambaye hasi,arangije ayikubita umugeri iraguruka.

Ubwo Higuain na Luiz barwaniraga umupira umwe yabaye nk’uvuna undi bituma aba basore abarebana ay’ingwe ndetse baratukana cyane,bagenzi babo babajya hagati ngo batarwana.

Umuvugizi wa Chelsea yatangaje ko gushwana kwa Higuain na Luiz ataribyo byatumye umutoza Maurizio Sarri ava mu kibuga ababaye ndetse akubita ingofero yari yambaye hasi,ngo ahubwo yababajwe n’uko atakoresheje imyitozo yo gutera imipira y’imiterekano mu minota 15 ye ya nyuma y’imyitozo.

Umutoza Sarri yinjiye mu rwambariro arakaye cyane ndetse akubita hasi ingofero ye nyamara mu kiganiro n’abanyamakuru yari yakoze mbere yavuze ko yishimiye abakinnyi be bose ndetse ngo bahinduye imyitwarire yabo mibi kuva mu kwezi kwa Gashyantare.

Amakuru avuga ko Sarri yarakajwe cyane no kuba abakinnyi be batasenyeye umugozi umwe kandi bari basigaje amasaha make ngo bahangane na Arsenal mu mukino wa nyuma wa Europa League utegerejwe na benshi kuri uyu wa Gatatu saa tatu zuzuye.

Arsenal na Chelsea zirahurira I Baku muri Azerbaijan,aho ku ikipe ya Chelsea bafite impungenge za N’golo Kante bivugwa ko afite imvune mu gihe Arsenal yo idafite Aaron Ramsey.

Abakinnyi bafite imvune z’igihe kirekire muri Arsenal ni Holding,Bellerin mu gihe Chelsea idafite Loftus Cheek,Rudiger na Hudson-Odoi.N’golo Kante arashidikanywaho kubera ikibazo cy’ivi afite.





Sarri yarangije imyitozo ya nyuma ababaye

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imikino y’umunsi wa 14 wa shampiyona y’u Rwanda irakomeje,reba abakinnyi...

Shampiyona y’ u Rwanda mu mupira w’amaguru irakomeza kuri uyu wa gatandatu...
11 December 2019 Yasuwe: 3507 0

Sergio Ramos yasabye ikintu gitangaje abategura ibihembo bya Ballon...

Kapiteni wa Real Madrid, Sergio Ramos,yavuze ko Cristiano Ronaldo na Lionel...
11 December 2019 Yasuwe: 3764 0

Carlo Ancelotti yirukanwe ku kazi nyuma y’amasaha make afashije Napoli...

Umutoza w’umunyabigwi I Burayi,Carlo Ancelotti yirukanwe ku kazi nyuma...
11 December 2019 Yasuwe: 1837 0

UCL: Liverpool yasimbutse umutego ukomeye yari yatezwe mu gihe Inter Milan...

Ikipe ya Inter Milan na Ajax zahabwaga amahirwe yo kugera muri 1/16 cya...
11 December 2019 Yasuwe: 2273 0

Umuhungu wa Cristiano Ronaldo yongeye kuvugwa cyane kubera ibyo yakoreye...

Umuhungu wa Cristiano Ronaldo,Cristiano Jr,yongeye kugaruka mu binyamakuru...
10 December 2019 Yasuwe: 5749 1

Biravugwa:Rutanga Eric mu nzira zo gutandukana n’ikipe ya Rayon...

Rutanga Eric ukina yugarira aca ku mpande akaba na kapiteni wa Rayon Sports...
10 December 2019 Yasuwe: 4831 0