Ibihuha biganisha Zinedine Zidane mu ikipe ya Manchester United bikomeje kwiyongera nyuma y’aho muri iyi weekend ishize atangarije televiziyo yitwa TVE ko yizeye ko agiye kugaruka mu kazi ko gutoza bidatinze.

Sponsored Ad

Zidane wifuza gutoza mu Bwongereza,yabwiye inshuti ze ko bitamugwa nabi aramutse ahawe akazi ko gusimbura Jose Mourinho mu ikipe ya Manchester United aho ndetse bishoboka kuko uyu munya Portugal ari mu mazi abira kubera umusaruro we utari mwiza.

Zidane aheruka gutoza atwara UEFA Champions League

Nkuko byatangajwe n’ikinyamakuru The Mirror,Zinedine Zidane yamaze gutangaza urutonde rw’abakinnyi yifuza kuzana mu ikipe ya Manchester United aramutse ayigezemo aho ku isonga harimo umukinnyi mwiza bakoranye muri Real Madrid Toni Kloos.

Mu bandi bakinnyi Zidane yifuza kuzazana muri Manchester United,harimo Thiago Alcantara wa Bayern Munich, James Rodriguez watijwe na Real Madrid muri Bayern na rutahizamu wa Paris Saint-Germain,Edinson Cavani na Paulo Dybala.

Zinedine Zidane amaze iminsi 103 nta kazi afite aho ategereje telefoni ya Ed Woodward kugira ngo asimbure Jose Mourinho utamerewe neza.



Bamwe mu bakinnyi Zidane yifuza kuzana muri Manchester United