Abakobwa b’ibyamamare ku mbuga nkoranyambaga bashinze ikipe y’umupira w’amaguru bahuriyemo yitwa Santas FC yatowe nk’ifite abakinnyi bakurura abagabo kurusha izindi ku isi mu mupira w’amaguru w’abagore.

Sponsored Ad

Kuva kuri nyirayo kugeza kuri buri mukinnyi wese n’abakobwa bafite ikimero gitangaje ndetse iyi kipe ituma abagabo benshi baza kuyireba ku kibuga bakurikiye uburanga bw’abakinnyi.

Iyi kipe iherereye muri Colombia,mu mujyi wa Medellin ariko abafana bayo baturuka hirya no hino ku isi.

Iyi kipe ikurikirwa n’abafana barenga miliyoni 1.2 kuri Instagram,ikaba irusha abayikurikira amakipe yo muri Premier League nka Bournemouth, Brentford, Burnley, Fulham, Luton, Nottingham Forest na Sheffield United.

Santas FC yiyise ko ari ikipe y’ibyamamare ku mbuga nkoranyambaga bikina ruhago.

Iyi kipe ikina ari abakinnyi 7 mu kibuga,ifite abakinnyi 12 ndetse yitabira imikino yo kwamamaza,iy’imurikagurisha n’imikino yo kwizihiza ibirori runaka.

amashusho y’abakinnyi b’iyi kipe bakora udukoryo ku mupira turimo kunobagiza n’utundi twiyongeraho gukaraga ikibuno yashitoye amamiliyoni y’abatuye isi.

Mu dukabutura tugufi tugaragaza amabuno yabo,aba bakobwa bavugishije amangambure abagabo ndetse amashusho yabo yageze kuri TikTok biba ibindi kuko amaze kurebwa n’abasaga miliyoni 9.

Irimo abakinnyi nka:Maria Paula Villao, Kathe Munoz, Nora Isabel Arias, Juliana Caro, Lauu Gonzales,Elizabeth Lopez na Liz Escobar Felina.

Abafana babashimiye uko bakina ariko bakomoza ku bwiza bwabo bubarangaza.