Kigali

AFCON 2019:Misiri yatsinze Zimbabwe mu mukino wagoye cyane Mohamed Salah

Imyidagaduro   Yanditswe na: Dusingizimana Remy 22 June 2019 Yasuwe: 1699

Ikipe ya Misiri yatangiye igikombe cya Afurika 2019 itsindira imbere y’abakunzi bayo igihugu cya Zimbabwe igitego 1-0,mu mukino rutahizamu Mohamed Salah atitwaye neza nkuko byari byitezwe.



Byari byitezwe ko ikipe ya Misiri iri mu makipe akomeye muri Afurika itsinda ku buryo bworoshye Zimbabwe,ariko siko byagenze kuko yayitsinze igitego 1-0 cyatsinzwe na Trezeguet ku munota wa 41 w’umukino.

Umukino watangiye ikipe ya Misiri yari ku kibuga cyayo Cairo International stadium isatira cyane byatumye rutahizamu Marwan Mohsen abona uburyo bukomeye bwakabaye igitego ariko umunyezamu Edmore Sibamba ashyira umupira muri koloneri.

Ikipe ya Misiri yakomeje gukambika ku izamu rya Zimbabwe umwanya munini ariko ba rutahizamu bayo bahusha ibitego byabazwe gusa byaje kurangira ibonye igitego ku munota wa 41.

Zimbabwe yakinnye igice cya mbere yirwanaho ndetse abakinnyi bayo basatira ntibigeze babona amahirwe yo gutera mu izamu uretse uburyo bumwe rutahizamu Khama Billiat yabonye asigaranye n’umunyezamu waje gusohoka neza ashyira umupira muri koloneri.

Nubwo Misiri yabonye amahirwe menshi mu gice cya mbere ikayapfusha ubusa,kabuhariwe wayo Mohamed Salah ntiyigeze yigaragaza cyane nkuko bisanzwe kuko nta mupira ugana mu izamu yateye.

Igice cya kabiri Zimbabwe yaje yahindutse iratinyuka itangira gukina isatira bitandukanye n’igice cya mbere gusa uburyo bwo gutsinda yabonye bwari bukeya.

Misiri yari yabonye igitego,ntiyigeze yongera gusatira cyane nkuko yari yabikoze mu gice cya mbere,ahubwo yacunganye na ba rutahizamu ba Zimbabwe batari ku rwego rwo hejuru,birangira itahanye intsinzi.

Kuri uyu wa Gatandatu hateganyijwe imikino 3 irimo uwa kabiri wo mu itsinda A wa RDC na Uganda saa 16h30,urakurikirwa n’uwa Nigeria n’Uburundi saa 19h00 mu gihe Guinea na Madagascar barakina saa 22h00.






Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Murenzi Abdallah yamaze impaka abamubajije igikunzwe cyane hagati ya Rayon...

Perezida w’ishyirahamwe ry’umukino wo gusiganwa ku magare,Murenzi...
28 February 2020 Yasuwe: 4783 0

Kylian Mbappe yahishuye ikintu gisekeje yabajije Zidane ubwo bahuraga bwa...

Rutahizamu wa PSG, Kylian Mbappe yatangaje ko yahuye bwa mbere n’umutoza wa...
28 February 2020 Yasuwe: 3440 0

Restrepo Jhonatan Valencia yegukanye agace ka 3 muri Tour du Rwanda...

Agace ka Gatandatu bavaga I Musanze berekeza I Muhanga ariko banyuze mu...
28 February 2020 Yasuwe: 1659 0

Arsenal yasezerewe rugikubita muri Europa League Manchester United iha...

Mu mukino w’iminota 120,Arsenal yongeye gutenguha cyane abakunzi bayo...
28 February 2020 Yasuwe: 2176 0

Micheal Sarpong yagarutse mu Rwanda afite inyogosho idasanzwe...

Nyuma y’aho ikipe ya Rayon Sports FC itangarije ko rutahizamu wayo ukomoka...
27 February 2020 Yasuwe: 5966 1

#TdRwanda: Restrepo yongeye gutwara agace mu irushanwa ry’uyu...

Umunya Colombia,Jhonatan Restrepo yongeye guca mu rihumye abo bahanganye...
27 February 2020 Yasuwe: 2088 0