Ikipe ya Misiri yageze ku mukino wa nyuma w’igikombe cya Afurika isanzeyo Senegal nyuma yo gutsinda Cameroon kuri penaliti 3-1 nyuma y’uko iminota 120,yakinwe kuri uyu wa Kane, yarangiye ari 0-0 ku mpande zombi.
Ibi bihugu bibiri biremereye mu mupira w’amaguru muri Afurika byahuriye mu mukino wa 1/2 bishaka igera ku mukino wa nyuma w’Igikombe cya Afurika kiri kuba ku nshuro ya 33 .
Vincent Aboubakar na Mohamed Salah, nibo bakinnyi bari bahanzwe amaso kuko bose bakina basatira ndetse bakaba (...)

Sponsored Ad

Ikipe ya Misiri yageze ku mukino wa nyuma w’igikombe cya Afurika isanzeyo Senegal nyuma yo gutsinda Cameroon kuri penaliti 3-1 nyuma y’uko iminota 120,yakinwe kuri uyu wa Kane, yarangiye ari 0-0 ku mpande zombi.

Ibi bihugu bibiri biremereye mu mupira w’amaguru muri Afurika byahuriye mu mukino wa 1/2 bishaka igera ku mukino wa nyuma w’Igikombe cya Afurika kiri kuba ku nshuro ya 33 .

Vincent Aboubakar na Mohamed Salah, nibo bakinnyi bari bahanzwe amaso kuko bose bakina basatira ndetse bakaba baragize irushanwa ryiza.

Mbere y’uyu mukino,Kameruni ubusanzwe ikomeye cyane mu rugo, yagize amahirwe yo kugera muri bane ba nyuma ariko ntabwo yigeze yemeza abafana ku mikino ya Comoros na Gambia yabanje.

Hagati aho, Misiri, yaciye mu nzira y’amahwa ikuramo Cote d’Ivoire na Maroc zahabwaga amahirwe ndetse zifite abakinnyi bafite amazina akomeye i Burayi.

Mu mukino w’uyu munsi,Cameroon yatangiye igice cya mbere iteye akaga mu mipira yo mu kirere cyane ko hakiri kare umuzamu Mohamed Abou Gabal uzwi nka Gabaski yahanganye n’imipira yo mu kirere ubwo Karl Toko Ekambi yari ahereje umupira mwiza Vincent Aboubakar.

Ku munota wa 17, Abou Gabal uzwi ku izina rya Gabaski yarokotse, kuko Aboubakar yateye neza umutwe wari uvuye kuri Koloneri, ariko umupira wakubise igiti cy’izamu uragaruka.

Cameroon yayoboye igice cya mbere kuko nawe Anguissa yabuze amahirwe meza muri iki gice.

Mu gice cya kabiri,Egypt yaje yariye karungu aho hakiri kare Mostafa Mohamed yateye umupira mwiza ukurwamo n’umunyezamu Andrea Onana.

Igihugu cya Misiri cyabonye amahirwe akomeye yo kuyobora umukino ubwo Mohamed Salah yihererwa umupira na Martin Hongla asigarana n’umunyezamu Onana ariko ashatse kumucenga undi agira amahirwe arawurenza.Byari byarangiye.

Andi mahirwe akomeye ya Misiri yabonetse mu minota 30 y’inyongera ubwo Ramadhan Sobhi yinjiraga mu rubuga rw’amahina wenyine ahereza umupira bagenzi be 3 bari hamwe imbere y’izamu bose bahusha umupira mwiza bari bahawe.

Umukino ugiye kurangira umutoza wa Misiri,Carlos Queiroz,yahawe ikarita itukura kubera kwitwara nabi ku basifuzi ari gutoza.

Hakurikiyeho gutera Penaliti zatangiwe na Cameroon yinjiye imwe rukumbi ya Vincent Aboubacar mu gihe bagenzi be barimo Harold Moukoudi,James Lea Siliki na Clinton Njie bazihushije.

Penaliti 3 za Misiri zinjijwe na Zizo,Mohamed Abdel Monem na Mohanad Mostafa Lasheen.

Misiri izahura na Senegal ku cyumweru ku mukino wa nyuma wa AFCON 2021, mu gihe kuwa Gatandatu Cameroon yakiriye irushanwa izahanganira umwanya wa 3 na Burkina Faso.