Bwa mbere kuva 2013 ,ikipe y’igihugu ya Cap-Vert yarenze amatsinda y’igikombe cy’Afurika nyuma yo kunyagira Mozambique ibitego 3-0.

Sponsored Ad

Bidasubirwaho izanazamuka iyoboye itsinda B.

Ibitego bya Cape Verde byatsinzwe na Bebe kuri Coup Franc yatereye kure yijyanamo ku munota wa 32.

Ku munota wa 51,R. Mendes yashyizemo icya kabiri mu gihe K.Pina yashimangiye intsinzi ku munota wa 69.

Misiri, Ghana na Mozambique bazishakamo abayiherekeza mu kindi cyiciro.

Mu itsinda C, Senegal ihanwa amahirwe menshi yo kwisubiza iki gikombe cya Afurika, yanyagiye Cameroon ibitego 3-1,ikatisha itike ya 1/16 nayo.

Ku munota wa 16, Ismail Sarr yafunguye amazamu ku ruhande rwa Senegal hanyuma ku munota wa 71,Habib Diallo aramwunganira ku mupira mwiza nanone uyu rutahizamu yamuhaye.

Cameroon yagerageje kugaruka mu mukino ariko ibigeraho itinze ku munota wa 83 ku gitego cya Jean-Charles Castelleto.

Iyi Cameroon yari yishyuye ubwo rutahizamu wayo yahabwaga umupira mwiza ku mutwe ari imbere y’izamu,awutera hanze.

Senegal yibye umugono Cameroon yashakaga kwishyura iyitsinda igitego cya gatatu ku munota wa 5 mu yongewe kuri 90, gitsinzwe na Sadio Mane.

Iyi Senegal yahise ikatisha itike ya 1/16 n’amanota 6/6 mu gihe Cameroon na Guinea zifite rimwe.Gambia ifite 0.

Mu mikino 2 Senegal itsinzemo ibitego 6.

Urutonde mu itsinda B n’amanota

1.Cap-Vert 6pts
2.Egypt 2 pts
3.Ghana 1pts
4.Mozambique 1 pts