Ikipe ya Misiri yarokotse by’igitangaza mu itsinda B,nyuma y’aho Ghana irangaye ibitego 2-0 yari yatsinze mu minota 90 ibyishyurwa mu minota 6 y’inyongera.

Sponsored Ad

Mozambique yatsinze ibitego bibiri mu minota itatu gusa isezerera Ghana nayo itiretse kuko zombi zagize amanota abiri bikura iyi Ghana mu makipe yashoboraga kuzamuka mu kindi cyiciro.

Ghana yari yatsinze ibitego bibiri bya Jordan Ayew byose kuri penaliti ndetse mu minota 90 bari bafite ibitego 2-0 biyizeye.

Umusifuzi yongeyeho iminota 6 yabyariye akaga Ghana, kuko kuwa 2 gusa Geny Katamo yatsinze penaliti,nyuma y’aho Andre Ayew akoze umupira n’ukuboko mu rubuga rw’amahina.

Ku munota wa 4,Reinildo Mandava yishyuye ikindi gitego n’umutwe ku mupira umunyezamu Ofori yarengeje mu buryo budasobanutse yagombaga kuwureka ukajya hanze ahubwo awukuraho.Umukino warangiye ari ibitego 2-2 amakipe yombi arasezererwa.

Misiri yakomeje ku mwanya wa Kabiri n’amanota 3 kuko yanganyije imikino yose harimo n’uw’uyu munsi yanganyije 2-2 na Cape Verde.

Gilson Tavares niwe wafunguye amazamu ku ruhande rwa Cape Verde ku munota wa 45.Iki gitego cyishyuwe na Mohamed Trezeguet ku munota wa 50.

Misiri yatsinze igitego cya kabiri ku munota wa 3 kuri 6 bari bongeyeho ibifashijwemo na Mostafa Mohamed.Abanyamisiri bishimye Bazi ko barangije umukino.

Baje gukora ikosa ku munota wa nyuma,Cape Verde irabishyura ibifashijwemo na Bryan Texeira.Umukino warangiye ari ibitego 2-2.

Urutonde rwa nyuma mu itsinda B:

1. Cape Verde 7pts
2. Egypt 3pts
3. Ghana 2pts
4. Mozambique 2pts