Ikipe ya Manchester City iyoboye izindi mu gushakisha kizigenza Lionel Messi,yamaze kwemerwa amasezerano y’imyaka 5 ndetse akazarangira yinjije miliyoni 623 z’amapawundi.

Sponsored Ad

Messi uherutse gutangariza FC Barcelona ko ashaka kuyigumamo,yamaze kuvugana na Pep Guardiola kugira ngo bongere bakorane.

Amakuru yatangajwe n’ibinyamakuru by’I burayi,nuko Messi ari kwifuza kujya muri Manchester City aho yizera ko ashobora kongera kwegukana indi Ballon d’Or 2.

Aka kayabo Messi naramuka agahawe azaba abaye umukinnyi wa mbere uhembwe amafaranga menshi mu mateka y’uyu mukino.

Ibi bivuze ko Messi azajya ahembwa ibihumbi 14,200 ku isaha, ibihumbi 341,000 ku munsi, 2.4m buri cyumweru naho mu kwezi azahembwa miliyoni 10.4 mu mapawundi.Ku mwaka,Messi azajya yinjiza miliyoni 124.6 z’amapawundi.

Amakuru avuga ko Messi azasinya imyaka 3 yo gukina muri Manchester City hanyuma indi myaka 2 ya nyuma ayikine mu ikipe ya New York City FC yo muri USA muri Major League Soccer nayo yaguzwe n’abaherwe ba Manchester City.

Hari amakuru avuga ko Messi ashobora guhabwa imigabane muri City Football Group’s (CFG) iyi kompanyi ifite amakipe ya City yaguzwe n’aba barabu hirya no hino ku isi.

Mu mpera z’ukwezi gushize, Messi w’imyaka 33 y’amavuko yabwiye FC Barcelona ko yifuza kuyivamo.

Ku cyumweru gishize, Messi ntabwo yitabiriye isuzumwa na muganga rikorwa mbere yuko umwaka w’imikino mushya utangira.

Uyu rutahizamu ukomoka muri Argentine afite gahunda yo kwifashisha ingingo yo muri kontaro afitanye na Barcelona imwemerera kuyivamo ku buntu, ariko iyi kipe ivuga ko igihe yari abyemerewe cyamaze kumurengana.

None ubu La Liga iravuga ko itazasiba Messi mu bakinnyi bo muri iyi shampiyona, keretse iyo ngingo yo kwishyura miliyoni 700 z’ama-euro imaze kubahirizwa.

Mu itangazo La Liga yasohoye yagize iti:

"Bijyanye n’itegeko rikurikizwa, La Liga ntabwo izemera ubusabe bwo kwandukurwa nk’umukinnyi wo mu ishyirahamwe ry’umupira w’amaguru rya Espagne keretse amafaranga avugwa mu ngingo ijyanye no kuva mu ikipe amaze kwishyurwa".

Ku cyumweru gishize,byari biteganyijwe ko Messi aba ari ku kibuga cy’imyitozo cya Barcelona saa yine n’iminota 15 za mu gitondo ku isaha yaho (ari nayo yo mu Rwanda no mu Burundi), ariko ntiyahageze.

Abanyamategeko be barateganya kwisunga ingingo iri muri kontaro nshya y’imyaka ine yagiranye n’iyi kipe mu mwaka wa 2017.

Iyo ngingo yajyaga kumwemerera kuva muri iyi kipe ku buntu iyo abisaba bitarenze tariki ya 10 y’ukwezi kwa gatandatu uyu mwaka.

Abanyamategeko be barateganya gushinga urubanza bavuga ko iyo tariki, yari ihuye n’isozwa rya shampiyona, ubu ntacyo ikivuze kubera ko icyorezo cya coronavirus cyatumye habaho gutinda, umwaka w’imikino ukongerwa bigatuma ikipe ikina kugeza mu kwezi kwa munani.