Amakipe abiri y’ibigugu mu Bwongereza,Manchester United na Chelsea ari maso aho ashaka gusinyisha kizigenza Neymar Jr ukomoka muri Brazil.
Aya makipe arashaka kureshya uyu mukinnyi hakiri kare kugira ngo azamusinyishe mu mpeshyi cyane ko ngo PSG ishaka kumurekura.
Uyu mukinnyi w’imyaka 31 y’amavuko,ntiyishimye muri PSG nubwo yayifashije kuba ubu iri ku mwanya wa mbere aho irusha iyikurikiye amanota 5 gusa iri mu bihe bibo yaherukagamo mu myaka 12 ishize.
PSG iheruka gutsindwa igitego 1-0 na (...)

Sponsored Ad

Amakipe abiri y’ibigugu mu Bwongereza,Manchester United na Chelsea ari maso aho ashaka gusinyisha kizigenza Neymar Jr ukomoka muri Brazil.

Aya makipe arashaka kureshya uyu mukinnyi hakiri kare kugira ngo azamusinyishe mu mpeshyi cyane ko ngo PSG ishaka kumurekura.

Uyu mukinnyi w’imyaka 31 y’amavuko,ntiyishimye muri PSG nubwo yayifashije kuba ubu iri ku mwanya wa mbere aho irusha iyikurikiye amanota 5 gusa iri mu bihe bibo yaherukagamo mu myaka 12 ishize.

PSG iheruka gutsindwa igitego 1-0 na Bayern Munich iri mu rugo mu mukino ubanza wa 1/16 cy’irangiza mu mikino ya Champions League muri iki cyumweru.

Uku gutsindwa kwabaye umukino wa 3 wikurikiranya iyi kipe itsinzwe mu marushanwa yose kuva 2011.

Neymar Jr bivugwa ko yigiriye kwishima kuri McDonald’s no gukina urusimbi rwa casino nyuma yo gutsindwa uyu mukino ndetse ngo yashwanye n’umuyobozi we witwa Luis Campos ku cyumweru nyuma yo gutsindwa ibitego 3-1 na AS Monaco.

Uko gutsindwa kwaje gukurikira gusezererwa na Marseille ibatsinze ibitego 2-1 muri 1/16 cy’igikombe cy’igihugu.

Ibinyamakuru biravuga ko Neymar Jr azagurishwa mu nyuma y’iyi shampiyona ariyo mpamvu amakipe yo mu Bwongereza yaje kare.

Ikinyamakuru 90 Min kivuga ko amakipe arimo Chelsea, Liverpool, Manchester City, Manchester United na Newcastle yose amwifuza.

Amakuru aravuga ko izina rya Neymar Jr ryaje mu biganiro biheruka guhuza nyiri chelsea Todd Boehly na Perezida wa PSG, Nasser Al-Khelaifi.

Neymar yatsinze ibitego 17 anatanga imipira 16 yavuyemo ibitego mu mikino 28 yakinnye muri uyu mwaka w’imikino.