Ikipe y’igihugu ’Amavubi’yaguye miswi na Botswana 0-0 mu mukino wa mbere muri ibiri ya gicuti bazakinira muri Madagascar.

Sponsored Ad

Mu bakinnyi 11 babanje mu kibuga u Rwanda rutsinda Afurika y’Epfo, Niyonzima Olivier (Sefu) niwe utagarutse, yasimbuwe na Rubanguka Steve.

Mu mukino wo ku rwego rwo hasi,Amavubi ntiyaremye amahirwe menshi uretse igitego Gitego Arthur yahushije mu minota 70 y’umukino.

Kuwa Mbere, Amavubi azakina na Madagascar.Uyu niwo mukino wa mbere mu mateka u Rwanda ruhuye na Botswana itozwa na Didier Gomes da Rosa.

Amavubi ari gukina ino mikino mu kwitegura amajonjora y’Igikombe cy’Isi azasubukura mu kwezi kwa Kamena uyu mwaka, azongera gukina undi mukino ku wa Mbere tariki ya 25, ahura na Madagascar iri mu rugo, aho yo yashoboye gutsinda Abarundi igitego 1-0 mu mukino wabanje.

Mbere y’uko 2024 irangira, Amavubi azakina imikino itandatu irimo ibiri yo gushaka itike y’igikombe cy’isi 2026 na Benin na Lesotho n’indi 4 yo gushaka itike y’igikombe cy’Afurika 2025.

Ku rundi ruhande,mu wundi mukino wabarinje uyu w’Amavubi,Madagascar yakiriye iyi mikino yatsinze igitego 1-0 u Burundi cyatsinzwe na Rayan Raveloson ku munota wa 10 w’umukino.

Abarundi bamaze imikino 3 ikurikirana nta ntsinzi (1-2 Gabon, 0-4 Algeria, 0-1 Madagascar)

Nshimirimana Ismael, Bigirimana Abedi na Hussein Shaban Tshabalala nibo bakina mu Rwanda babanje muri 11.

Kuwa Mbere bazakina na Botswana mu gihe bitegura gukina na Kenya na Seychelles mu gushaka itike y’igikombe cy’Isi 2026.