skol
Kigali
startimes

Amavubi yanganyije na Uganda mu mukino yigaragajemo cyane

Imyidagaduro   Yanditswe na: Dusingizimana Remy 18 January 2021 Yasuwe: 4351

Ikipe y’igihugu “Amavubi” yaruhije bigaragara ikipe ya Uganda ariko ntiyabasha kuyitsinda mu mukino wa mbere wo mu itsinda C rya CHAN 2020 warangiye banganyije 0-0.


Amavubi yagiye muri iyi CHAN nta cyizere afitiwe,yatangiye uyu mukino iri ku rwego rwo hejuru kugira ngo yiyunge n’abafana,bituma ihusha amahirwe menshi cyane.

Tuyisenge Jacques wakinaga wenyine mu busatirizi yatangiye agora abakinnyi ba Uganda bari bafite igihunga cyinshi.

Igice cya mbere cyarangiye amakipe yombi nta n’imwe ibonye igitego n’ubwo #Amavubi yahushije amahirwe menshi imbere y’izamu kurusha Uganda Cranes.Amavubi yagerageje amashoti 8 arimo 2 yaganaga mu izamu.

Amavubi yabonye amahirwe arimo ishoti Hakizimana Muhadjiri yateye rikubita umutambiko w’izamu ku munota wa 30 ndetse nyuma y’aho Jacques Tuyisenge yateye umutwe ugarurwa n’igiti cy’izamu,Nshuti Savio ashatse kuwusubizamo ujya hanze.

Mu gice cya kabiri,Amavubi yagabanyije imbaraga ugereranyije n’uko yari ahagaze mu gice cya mbere ndetse nta mahirwe menshi yaremye.muri iki gice Uganda yabonye amahirwe akomeye imbere y’izamu ubwo umunyezamu Kwizera Olivier yarekuraga umupira usanga rutahizamu wa Uganda ariko ahagarara neza arongera arawisubiza.

Abakinnyi babanje mu kibuga ku ruhande rw’Amavubi ni Kwizera Olivier, Omborenga Fitina, Mutsinzi Ange, Manzi Thierry na Imanshimwe Emmanuel,
Kalisa Rachid, Niyonzima Olivier ‘Seif’,Hakizimana Muhadjiri,Nshuti Dominique Savio, Iradukunda Bertrand na Tuyisenge Jacques.

Mu wundi mukino wo mu itsinda C wabanje, Maroc ifite irushanwa riheruka yatsinze Togo yitabiriye bwa mbere igitego 1-0.U Rwanda ruzahura na Maroc mu mukino ukurikiraho.

Ombolenga niwe watowe nk’umukinnyi mwiza muri uyu mukino u Rwanda rwanganyije na Uganda 0-0.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble FIFI

    Ntako batakoze ngo batsinde Ariko byanze, none se dutegereze kuri Maroc ko Mwakoresheje imbaraga byinshyi? Nubwo Mwitwaye Neza inota rimwe ntiribaha icyizere cyane birasaba gukora cyane

    1 month ago

Inzindi nkuru

Amavubi yatangiye imyitozo yo kwitegura Mozambique na Cameroon mu mvura...

Abakinnyi b’Amavubi batangiye imyitozo kuri uyu wa Mbere tariki ya 08...
8 March 2021 Yasuwe: 2800 0

Joan Laporta wiyemeje gusinyisha Messi yatorewe kuyobora FC...

Umugabo witwa Joan Laporta,niwe watsinze amatora yo kuyobora ikipe ya FC...
8 March 2021 Yasuwe: 2973 0

Manchester United yahagaritse umuvuduko wa City,Liverpool ikomeza kujya...

Ikipe ya Manchester United yatunguye benshi mu bakunzi ba ruhago ubwo...
7 March 2021 Yasuwe: 3968 0

Amavubi yamaze kwerekeza I Nyamata mu myiteguro yo gushaka itike ya CAN...

Nyuma y’aho umutoza Mashami Vincent ahamagaye abakinnyi 31 bagomba gufasha...
7 March 2021 Yasuwe: 3415 0

Lionel Messi yatoye Perezida wa FC Barcelona ku nshuro ye ya...

Benshi baracyibaza icyihishe inyuma yo kuba umunyabigwi akaba na kapiteni...
7 March 2021 Yasuwe: 4569 0

Igikombe cya CECAFA Rayon Sports yatwaye mu 1998 cyabonetse i...

Ni kenshi abafana ba Rayon Sports bakunda guhiga ubutwari aba APR FC ko...
7 March 2021 Yasuwe: 4958 0