Ikipe y’igihugu ’Amavubi’ yatakaje imyanya 10 ku rutonde rushya rw’ishyirahamwe ry’umupira w’amaguru ku isi, FIFA, yisanga ku mwanya mubi kurusha indi yose, yabayeho mu gihe cy’imyaka 4 ishize.
U Rwanda rwabarizwaga ku mwanya w’i 118 ku rutonde ngarukakwezi rukorwa n’ishyirahamwe ry’umupira w’amaguru ku isi ruheruka gusohoka tariki ya 4 Gicurasi 2017 yisanze ku mwanya w’i 128, ku rutonde rwasohotse kuri uyu wa Kane tariki ya 1 Kamena 2017, umwanya Amavubi yaherukagaho muri Kamena 2013.
Uretse (...)

Sponsored Ad

Ikipe y’igihugu ’Amavubi’ yatakaje imyanya 10 ku rutonde rushya rw’ishyirahamwe ry’umupira w’amaguru ku isi, FIFA, yisanga ku mwanya mubi kurusha indi yose, yabayeho mu gihe cy’imyaka 4 ishize.

U Rwanda rwabarizwaga ku mwanya w’i 118 ku rutonde ngarukakwezi rukorwa n’ishyirahamwe ry’umupira w’amaguru ku isi ruheruka gusohoka tariki ya 4 Gicurasi 2017 yisanze ku mwanya w’i 128, ku rutonde rwasohotse kuri uyu wa Kane tariki ya 1 Kamena 2017, umwanya Amavubi yaherukagaho muri Kamena 2013.

Uretse gutakaza imyanya 10 kuri uru tonde ngarukakwezi rwasohotse kuri uyu wa Kane, u Rwanda kandi rwatakaje amanota asaga 39, rugira amanota 246, aho rukurikirana (umwanya umwe imbere) na Centrafrique bazahura mu minsi iza mu gushaka itike y’igikombe cya Afurika cya 2019 kizabera muri Cameroun.

Kuri uru rutonde rwa Kamena 2017, Mauritania ya 104 ni cyo gihugu cyatakaje imyanya myinshi, igera kuri 13 mu gihe New Zealand yungutse imyanya 17 ikaba iya 95.

Nta mpinduka zabaye mu makipe 10 ya mbere arimo: Brazil, Argentine, Ubudage, Chile, Colombia, Ubufaransa, Ububiligi, Portugal, Ubusuwisi na Espagne.