skol
Kigali
startimes

Amavubi yerekeje muri Cape Verde gushaka intsinzi ya mbere yo mu itsinda F [AMAFOTO]

Imyidagaduro   Yanditswe na: Dusingizimana Remy 9 November 2020 Yasuwe: 4144

Mu gitondo cyo kuri uyu wa Mbere tariki ya 09 Ugushyingo 2020, Amavubi yahagurutse ku kibuga cy’indege i Kanombe yerekeje muri Cape Verde aho igiye gukina umukino wa 3 wo gushaka itike y’igikombe cya Afurika 2021.


Amavubi yahagurutse n’indege yihariye (jet privé) ihita ibageza i Praia muri Cape Verde gisa iraca mu gihugu cya Benin.

Hahagurutse abakinnyi 23 batoranyijwe n’umutoza Mashami Vincent bakazakina kuwa Kane 18h00 (isaha y’i Kigali).

Ni urugendo ruteganyijwe kumara amasaha atanu aho indege iza guhagarara isaha imwe i Cotonou muri Benin.

Amavubi yahawe indege yihariye ya RwandAir kugira ngo azahite agaruka i Kigali, yitegure umukino w’umunsi wa kane azakiramo Ikipe y’Igihugu cya Cap Verde ku wa 17 Ugushyingo 2020 i Nyamirambo.

U Rwanda ni urwa nyuma mu itsinda F n’amanota 0, ni nyuma y’uko rwatsinzwe na Mozambique ibitego 2-0 ndetse na Cameroun igitego 1-0, mu mikino ibiri ibanza yabaye mu Ugushyingo 2019.

Cap Verde izahura n’u Rwanda, yo iri ku mwanya wa gatatu mu itsinda n’amanota abiri. Yanganyije na Cameroun ubusa ku busa i Yaoundé mbere yo kwakira Mozambique bikanganya ibitego 2-2.

Abakinnyi berekeje muri Cape Verde:

Abazamu : Yves Kimenyi (Kiyovu), Olivier Kwizera (Rayon), Eric Ndayishimiye (AS Kigali).

Ba myugariro: Thierry Manzi (APR), Abdul Rwatubyaye (Switchbacks, USA), Fitina Ombolenga (APR), Emmanuel Imanishimwe (APR), Eric Rutanga (Police), Ange Mutsinzi (APR), Aimable Nsabimana (Police) na Hervé Rugwiro (Rayon).

Abo hagati: Djihad Bizimana (Beveren, Belgium), Yannick Mukunzi (Sandvikens, Sweden), Haruna Niyonzima (Yanga, Tanzania), Kevin Muhire (El Gaish, Misiri), Ally Niyonzima (Azam, Tanzania), Dominique-Savio Nshuti (Police), Djabel Manishimwe (APR) na Steve Rubanguka (Karaiskakis, Greece).

Ba Rutahizamu: Meddie Kagere (Simba, Tanzania), Jacques Tuyisenge (APR), Muhadjiri Hakizimana (AS Kigali) na Osée Iyabivuze (Police).






Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Igikombe cya CECAFA Rayon Sports yatwaye mu 1998 cyabonetse i...

Ni kenshi abafana ba Rayon Sports bakunda guhiga ubutwari aba APR FC ko...
7 March 2021 Yasuwe: 3488 0

Paris Saint-Germain yiyemeje gushora akayabo mu kugura umukinnyi wa...

Ikipe ya PSG yo mu gihugu cy’Ubufaransa yiyemeje kujya ku isoko muri iyi...
7 March 2021 Yasuwe: 3295 0

Mikel Arteta ukomeje gukora amakosa ashyira mu mazi abira Arsenal

Uyu mutoza yavuze ko abakinnyi be Granit Xhaka na Bernd Leno bakina mu...
7 March 2021 Yasuwe: 3208 0

Jack Grealish yahuye n’uruva gusenya ubwo yari atangiye gutereta...

Umukinnyi ukina mu ikipe ya Aston Villa, Jack Grealish muri Premier League,...
7 March 2021 Yasuwe: 3311 0

U Rwanda rwakuye imidali 14 muri shampiyona y’Afurika yo gusiganwa ku...

Kuri uyu wa Gatandatu nibwo hasojwe Shampiyona y’Afurika yo gusiganwa ku...
6 March 2021 Yasuwe: 3864 0

Umukinnyi wa IPRC Huye yifotoje afite umupira wa Basketball aho gufata...

Umukinnyi wa Basketball ukinira IPRC Huye,Rwibutso Nicole yatunguye benshi...
6 March 2021 Yasuwe: 5824 0