APR FC ishobora kongera gutwara Rayon Sports abakinnyi bakomeye
Yanditswe: Friday 18, May 2018
Ikipe ya APR FC ishobora gusahura ikipe ya Rayon Sports abakinnyi bakomeye ubwo isoko ryo kugura abakinnyi rizaba rifunguye,kugira ngo ibashe kugera kure mu mikino nyafurika yifuza kwerekezamo umwaka utaha.
Mu rwego rwo gushimangira ubushake bwayo bwo kwerekeza mu matsinda y’imikino nyafurika umwaka utaha,APR FC ikomeje kugura abakinnyi bakomeye barimo Danny Usengimana ndetse biravugwa ko yifuza Manishimwe Djabel na Mutsinzi Ange ba Rayon Sports.
Manishimwe Djabel arifuzwa na APR FC
Nkuko isanzwe ibigenza, biravugwa ko APR FC yiteguye kwegera aba basore 2 bakomeye muri Rayon Sports kugira ngo babe bayerekezamo mu mwaka w’imikino utaha,bayifashe kwitwara neza mu mikino nyafurika iri guhatanira kwerekezamo
Nkuko amakuru dukesha Ruhagoyacu abitangaza,ikipe ya APR FC yamaze kumvikana na rutahizamu Usengimana Danny ugomba kwiyongera kuri Sugira uri hafi gukira imvune ndetse irashaka kuganira na Haruna Niyonzima na Kagere Meddie kugira ngo bayerekezemo.
Mutsinzi Ange nawe ashobora gutera umugongo Rayon Sports
Mu bakinnyi bivugwa ko APR FC ishobora gusahura Rayon Sports barimo myugariro wayo uhagaze neza kurusha abandi mu Rwanda Mutsinzi Ange Jimmy n’umusore Manishimwe Djabel bashobora gusimbura abo izarekura dore ko bivugwa ko hari abakinnyi bashobora kwirukanwa kubera umusaruro muke.
APR FC biravugwa ko yamaze kumvikana na Danny Usengimana wakiniraga Singida
Nubwo aya makuru ari kuvugwa muri iyi kipe ifite ibikombe byinshi mu Rwanda,ntabwo irabona itike yo kwerekeza mu mikino nyafurika kuko iracyari mu rugamba rwo guhatanira shampiyona na AS Kigali na Rayon Sports idahagaze neza,ikaba igeze mu mikino ya ¼ cy’igikombe cy’Amahoro.
APR FC yatwaye Mangwende ishobora gutwara Mutsinzi Ange na Djabel
Leave a Reply
Your email address will not be published. Required fields are marked *