Ikipe ya APR FC ibashije kubyitwaramo neza mu mukino ubanza wa 1/8 cy’igikombe cy’Amahoro,itsinda La jeunesse ibitego 3-0 mu mukino wabereye kuri stade ya Kigali yari yuzuye amazi kubera imvura yiriwe igwa I Nyamirambo. Ikipe ya APR FC yatsinze ibitego byose mu gice cya mbere ibifashijwemo na Bizimana Djihad wafunguye amazamu ku munota wa 5 w’umukino kuri penaliti yakorewe kuri Hakizimana Muhadjiri.
Ku munota wa 36,Muhadjiri yateye korumeri nziza isanga Amran Nshimiyimana aho yari ahagaze (...)

Sponsored Ad

Ikipe ya APR FC ibashije kubyitwaramo neza mu mukino ubanza wa 1/8 cy’igikombe cy’Amahoro,itsinda La jeunesse ibitego 3-0 mu mukino wabereye kuri stade ya Kigali yari yuzuye amazi kubera imvura yiriwe igwa I Nyamirambo.

Ikipe ya APR FC yatsinze ibitego byose mu gice cya mbere ibifashijwemo na Bizimana Djihad wafunguye amazamu ku munota wa 5 w’umukino kuri penaliti yakorewe kuri Hakizimana Muhadjiri.

Ku munota wa 36,Muhadjiri yateye korumeri nziza isanga Amran Nshimiyimana aho yari ahagaze ashyiramo igitego cya kabiri cyashenguye imitima y’abakinnyi ba La Jeunesse.

La Jeunesse yabanje mu kibuga

Ku munota wa 43 w’igice cya mbere, kabuhariwe Hakizimana Muhadjiri yatereye coup-franc inyuma y’urubuga rw’amahina ijya mu izamu, nyuma y’ikosa ryari rikorewe kuri Nshuti Innocent.

Abakinnyi babanje mu kibuga n’abasimbura babo:
La Jeunesse: Iradukunda Japhet, Niyonzima Fabrice, Nshimiye Saidi, Segikwiye Jean Paul, Manirafasha Didace, Sebarera Ayubu, Nshimiyimana Yunussu, Nsengiyumva Eric, Gatabazi Jean d’Amour, Ntwari Osama, Rutabagisha Joseph.

APR FC yabanje mu Kibuga

Abasimbura: Dukuze Djuma, Udahemuka Jean de Dieu, Nsanzimfura Keddie, Rwerinyange Patrick, Tuyizere Abdul, Shumbusho Aime, Byiringiro Olivier.

APR FC: Kimenyi Yves, Omborenga Fitina, Imanishimwe Emmanuel, Rugwiro Herve, Aimable Nsabimana, Bizimana Djihad, Mugiraneza Jean Baptiste, Amran Nshimiyimana, Iranzi Jean Claude, Nshuti Innocent na Hakizimana Muhadjiri.

Abasimbura: Ntaribi Steven, Rukundo Denis, Ngabonziza Albert, Buteera Andrew, Twizerimana Martin Fabrice, Bigirimana Issa, Nshuti Savio.

Ku rundi ruhande kuri stade ya Mumena hari hateganyijwe umukino wagombaga guhuza Kiyovu Sports na Bugesera FC wasubitswe kubera ko ikibuga cyuzuye amazi abakinnyi ntibashobore kuyakiniramo byatumye umusifuzi asubika umukino.

Ikipe ya Musanze FC itsinze Police FC mu mukino ubanza wabereye kuri stade ubworoherane I Musanze.

Uko imikino y’uyu munsi yagenze:
La Jeunesse 0-3 APR Fc
AS Muhanga 2-1 Amagaju Fc
SC Kiyovu vs Bugesera Fc (wasubitswe kubera imvura nyinshi)
Musanze Fc 2-1 Police Fc

Amafoto:Ruhagoyacu