• APR FC na Kiyovu Sports zatsinze imikino yazo ku munsi wa 6 wa shampiyona
• Kiyovu Sports yatsinze Espoir FC 2-0 mu gihe APR FC yatsinze Kirehe FC 2-1
• Mugheni Fabrice akomeje kwigaragaza muri shampiyona y’uyu mwaka

Sponsored Ad

Ikipe ya APR FC ibashije kwitwara neza ku mukino w’umunsi wa 6 wa shampiyona y’u Rwanda yakinwaga uyu munsi aho itsinze Kirehe FC ibitego 2-1 mu gihe Kiyovu Sports nayo yabyitwayemo neza itsinda Espoir FC ibitego 2-0.

Mbere y’uyu mukino ikipe ya APR FC yari ku mwanya wa mbere aho ikomeje kubishimangira kuko ibifashijwemo n’ibitego bya Rugwiro Herve na Twizerimana Martin Fabrice ibashije kwigaranzura Kirehe FC imerewe nabi muri iyi minsi iyikuraho amanita 3 nubwo ariyo yabanje igitego cyatsinzwe na Niyonkuru Vivien.

Ku rundi ruhande,ikipe ya Kiyovu Sports yatangaga isomo rya ruhago ku kibuga cyayo cya Mumena aho yatsinze Espoir FC ibitego 2-0 byatsinzwe na Kakule Mugheni Fabrice ndetse ihita ifata umwanya wa kabiri by’agateganyo.

Ikipe ya Musanze yabashije kubona amanota 3 ku kibuga cy’Ubworoherane mu majyaruguru aho yatsinze Amagaju ibitego 2-1.

Kugeza ubu APR FC niyo iri ku mwanya wa mbere ku rutonde rw’agateganyo rwa shampiyona n’amanota 13 aho ikurikiwe na Kiyovu Sports n’amanota 12 mu gihe amakipe nka Police FC na Etincelles ariyo akurikiraho n’amanota 9 nubwo atarakina.