Ubuyobozi bw’ikipe ya APR FC bwahagaritse Umutoza Adil Erradi kuri uyu wa Gatanu mu gihe kitazwi ariko biravugwa ko ari ukwezi kose.
Uyu mutoza biravugwa ko azira amagambo aheruka gutangaza ku bakinnyi be ko atazi ikibazo bafite ndetse no kugirana amakimbirane n’abakinnyi barimo kapiteni w’ikipe Manishimwe Djabel.
Kuri ubu inshingano zo gutoza ngo zasigaranywe n’Umutoza wungirije, Ben Moussa ari nawe wajyanye n’abakinnyi i Shyorongi mu mwiherero wo kwitegura umukino w’ikirarane cya Shampiyona (...)

Sponsored Ad

Ubuyobozi bw’ikipe ya APR FC bwahagaritse Umutoza Adil Erradi kuri uyu wa Gatanu mu gihe kitazwi ariko biravugwa ko ari ukwezi kose.

Uyu mutoza biravugwa ko azira amagambo aheruka gutangaza ku bakinnyi be ko atazi ikibazo bafite ndetse no kugirana amakimbirane n’abakinnyi barimo kapiteni w’ikipe Manishimwe Djabel.

Kuri ubu inshingano zo gutoza ngo zasigaranywe n’Umutoza wungirije, Ben Moussa ari nawe wajyanye n’abakinnyi i Shyorongi mu mwiherero wo kwitegura umukino w’ikirarane cya Shampiyona bazakina na Police FC, ku wa 17 Ukwakira 2022.

Umwuka mubi watangiye gututumba muri APR FC nyuma yo gusezererwa mu marushanwa Nyafurika ya CAF Champions League no gutsindwa na Bugesera FC muri Shampiyona y’u Rwanda.

Amakuru aravuga ko APR FC iri mu biganiro n’umutoza w’Umufaransa nk’ushobora guhabwa inshingano zo kuyitoza mu gihe cya vuba.

Nyuma y’umukino wahuje APR FC na Marines FC, Adil yavuze ko ibibazo biri muri APR FC ahanini biterwa n’abakinnyi bakuru barimo Djabel Manishimwe,yashinje gutsindisha ikipe ku mukino wa US Monastir n’uwa Bugesera FC.

Ibi byarakaje cyane Manishimwe Djabel wahise atangariza Radio 1 ko uwo mwabanye mu bihe byiza no mu bibi mukwiye kubana ndetse ko ntawe ukwiye kugerekwaho ibihe bibi ikipe irimo.Yasoje yemeza ko ibyo Adil yamuvuzeho byerekana ko “nta mugabo uba umurimo”.

Icyakora,Kuri uyu wa Gatanu tariki ya 14 Ukwakira 2022,Djabel MANISHIMWE yanditse kuri Instagram ye asaba imbabazi Umutoza Adil nyuma y’ibyo yamutangajeho.

Mu butumwa yanditse mu "cyongereza" kuri instagram,Djabel yatakambye agira ati: "Ndatekereza ko nakosheje nkifuza kwisegura kuri Adil, ibyo nakoze si ubunyamwuga. Nk’umuyisilamu ndasaba imbabazi kuri Allah. Mwese mumbabarire nari natakaje rutangira,sinzasubira no kubirota".

Adil Erradi w’imyaka 42 yatangiye gutoza APR FC muri 2009 ayihesha ibikombe 3 bya shampiyona birimo icyo yatwaye adatsinzwe.

Adil afite agahigo ko kuba yaramaze imikino 50 ataratsindwa muri shampiyona y’u Rwanda.