Kigali

APR FC yihanije Sunrise FC y’abakinnyi 10 yari yigambye kuyibabariza I Gologota

Imyidagaduro   Yanditswe na: Dusingizimana Remy 26 November 2019 Yasuwe: 3105

Ikipe ya APR FC yakoze ibyananiye amakipe menshi muri iki gice kibanza cya shampiyona aho yasanze Sunrise FC ku kibuga cyayo abafana bayo babatije Gologota iyihatsindira ibitego 4-2 mu mukino wari witezwe na benshi.



Sunrise FC yari yigambye ko itazorohera APR FC muri uyu mukino w’umunsi wa 10 wa shampiyona,yanyagiriwe ku kibuga cyayo cyabatijwe Gologota ibitego 4-2 mu mukino yahawemo ikarita itukura ya Niyonkuru Vivien ku munota wa 72.

Sunrise FC yari mu rugo yatangiye neza umukino byatumye ibona igitego hakiri kare ku munota wa 13 w’umukino gitsinzwe na kabuhariwe wayo Babuwa Samson.

APR FC yashakaga gukuraho kirazira yo gutsindira kuri stade yabatijwe gologota,yahise itangira kubakira umupira hagati mu kibuga biyifasha kwishyura iki gitego ku munota wa 17 gitsinzwe na Nizeyimana Djuma.

Bidatinze ku munota wa 23 w’umukino,APR FC yahise ishyiramo igitego cya kabiri cyatsinzwe na Usengimana Danny ku mupira mwiza yahawe na Claude Niyomugabo.

APR FC yari yakinnye uburyo bwa 3-4-3 yaruhije bikomeye Sunrise FC mu kibuga hagati byatumye iyi kipe y’I Nyagatare ikina yugarira cyane kugira ngo itinjizwa ibitego byinshi mu gice cya mbere cyaje kurangira ari 2-1.

Igice cya kabiri kigitangira,Sunrise FC yahise yiba umugono APR FC iyitsinda igitego cya kabiri cyo kwishyura cyatsinzwe nanone na Babua Samson ku munota wa 49 nyuma y’akavuyo kabaye imbere y’izamu.Uyu rutahizamu yakomeje kuyobora abandi n’ibitego 9.

APR FC yashakaga guhindura Gologota I Siyoni,yakoze impinduka ku munota wa 60 ubwo Bukuru Christophe utabanje mu kibuga nkuko byari bisanzwe yasimburaga Manishimwe Djabel mu gihe ku munota wa 71 Nshuti Innocent yasimbuye Danny Usengimana.ku munota wa 45 Mugunga Yves yinjiye mu kibuga asimbuye Nizeyimana Djuma.

Sunrise FC yakinaga isa n’ishaka kubona inota rimwe,yahuye n’uruva gusenya ubwo yatakazaga umupira ku munota wa 71,hanyuma myugariro Niyonkuru Vivien wari usigaye inyuma wenyine ashyira hasi Mugunga Yves wari usigaranye n’izamu wenyine bimuviramo guhabwa ikarita itukura.

Umusifuzi yahise atanga coup franc mbi cyane ku ruhande rwa Sunrise FC,yatewe neza na Bukuru Christophe ashyira umupira mu nshundura ku munota wa 74.
Sunrise FC y’abakinnyi yahise icika intege cyane ndetse itangira gukora amakosa menshi yayiviriyemo gutsindwa n’igitego cya kane.

Ku munota wa 76 w’umukino, umunyezamu Itangishatse Jean Paul wari ufite ikarita y’umuhondo yakoreye ikosa kuri rutahizamu Mugunga Yves umusifuzi Nsabimana Celestin atanga penaliti ndetse akura mu mufuka ikarita y’umuhondo yagombaga kubyara itukura kuri uyu munyezamu gusa nyuma yagize impuhwe ntiyayitanga.

Rutahizamu Nshuti Innocent wari ukeneye igitego,yateye neza iyi penaliti bituma APR FC ibona insinzi bidasubirwaho cyane ko n’umukino warangiye ari ibitego 4-2.

APR FC yabaye ikipe ya mbere ishoboye gukura intsinzi kuri Gologota muri shampiyona y’uyu mwaka ndetse yahise inafata umwanya wa mbere bidasubirwaho n’amanota 24.Police FC itarakina umunsi wa 10 n’iya kabiri na 21 mu gihe Rayon Sports ari iya 3 na 18.

Uko imikino yabaye uyu munsi yagenze:
Sunrise 2-4 APR FC
Gasogi United 1-0 Gicumbi FC
Heroes 3-2 Musanze FC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Charles Rwakagara

    APR FC Dukunda, gahore kw’ Isonga!

    1 week ago
  • chat_bubble Charles Rwakagara

    APR FC Dukunda, gahore kw’ Isonga!

    1 week ago
  • chat_bubble Nduguyangu

    Heroes itsinze ya Musanze yari yishe Rayon!! Rayon igeze habi nihura na Heroes, heroes izayibamba ubugira 2. naho APR ikinana ishyaka ryinshi Sunrise ntiyari gustya ho.

    1 week ago
  • chat_bubble Nduguyangu

    Heroes itsinze ya Musanze yari yishe Rayon!! Rayon igeze habi nihura na Heroes, heroes izayibamba ubugira 2. naho APR ikinana ishyaka ryinshi Sunrise ntiyari gustya ho.

    1 week ago

Inzindi nkuru

Perezida Kagame yahishuye impamvu ikomeye ituma ibihugu byo muri Afurika...

Perezida wa Repubulika,Paul Kagame, yavuze ko amwe mu makipe yo ku mugabane...
9 December 2019 Yasuwe: 2459 0

Arsenal igiye guhomba akayabo k’amamiliyoni kubera imyitwarire mibi muri...

Ikipe ya Arsenal iri gutsindwa umusubirizo ikomeje kugana ahabi cyane...
9 December 2019 Yasuwe: 2359 0

Ifoto y’Umunsi: Minisitiri wa siporo Munyangaju yagaragaye ari kunyonga...

Minisitiri mushya wa MINISPOR,Munyangaju Mimosa Aurore yafotowe atwaye...
9 December 2019 Yasuwe: 3123 0

Rayon Sports yeretse ibigwi byayo Heroes FC ikomeza gusatira APR...

Ikipe ya Rayon Sports yanyagiye Heroes yazamutse uyu mwaka ibitego 4-1 mu...
8 December 2019 Yasuwe: 4741 0

“Aba basifuzi nibadahanwa nzumirwa”-Guy Bukasa wa Gasogi United

Umutoza wa Gasogi United,Guy Bukasa yatangaje ko abasifuzi bamusifuriye...
8 December 2019 Yasuwe: 4769 3

Abafana bahagaritse umukino mu Bwongereza nyuma yo kuva muri stade bajya...

Imirwano ikomeye yabereye ku kibuga cya Bloomfield Road mu mukino wahuzaga...
8 December 2019 Yasuwe: 3446 0