Mu mikino ya Champions League habaye tombola y’uko amakipe azahura muri 1/16 cya UEFA Champions League aho ikipe ya Arsenal izahura na FC Porto mu gihe umukino ukomeye umwe ari uzahuza Inter Milan na Atletico Madrid.

Sponsored Ad

Mu makipe yari yitezwe gutombora ibigugu ni PSG na Inter Milan zari zabaye iza kabiri gusa iyi tombola yatengushye abantu cyane.

Uko tombola yakozwe, nuko amakipe yabaye aya kabiri yatomboye ayabaye aya mbere ndetse ni nayo azabanza kwakira.

Nta mpanuka y’ibigugu yabayeho bizahurira muri 1/4. Inter Milan na Atletico Madrid nibo bakomeye bazahura muri 1/8 bonyine.

Ikipe ya Arsenal yatomboye FC Porto yatwaye iki gikombe inshuro ebyiri [1987 na 2004],mu gihe Man City iheruka gutwara igikombe gitaha izahura na FC Copenhagen.

Ikipe Arsenal ifite ubu nta burambe na buke ifite muri Champions League gusa izahura na FC Porto itajya iyisibamo aho umukino wa mbere uzabera muri Portugal.

Arsenal iheruka gukina 1/16 igitozwa na Arsene Wenger hari muri 2017.

Ni ku nshuro ya kane Arsenal itomboranye na FCPorto mu marushanwa ya UEFA. Muri 2006/07 yatsinze Porto mu rugo ibitego 2-0 hanyuma banganya 0-0 muwo kwishyura, mugihe muri 2008/09 yatsinze ibitego 4-0 mbere yo gutsindwa 2-0 kwa FC Porto.

Iriya mibanire yari iyo mu matsinda,mu gihe muri 1/16 mu mwaka w’imikino wakurikiyeho,Arsenal yatsinzwe ibitego 2-1 mu mukino ubanza itsinda ibitego 5-0 kuri Stade ya Emirates irakomeza.

Amakipe yabaye aya mbere mu matsinda: Arsenal (ENG), Atlético de Madrid (ESP), Barcelona (ESP), Bayern (GER), Dortmund (GER), Manchester City (ENG), Real Madrid (ESP), Real Sociedad (ESP)

Amakipe yazamutse ari iya kabiri: Copenhagen (DEN), Inter (ITA), Lazio (ITA), Leipzig (GER), Napoli (ITA), Paris (FRA), Porto (POR), PSV Eindhoven (NED)

Imikino ibanza izakinwa kuwa: 13/14/ na 20/21Gashyantare 2024 
Imikino yo kwishyura izaba kuwa 5/6/ na 12/13 Werurwe 2024.

Uko tombola yagenze:

Porto v Arsenal
Napoli v Barcelona
PSG v Real Sociedad
Inter v Atletico Madrid
PSV v Borussia Dortmund
Lazio v Bayern Munich
Copenhagen v Man City
RB Leipzig v Real Madrid

Itariki imikino izaberaho:

13 Gashyantare 2024: Copenhagen vs Man City, Leipzig vs Real Madrid

14 Gashyantare: Paris SG vs Real Sociedad, Lazio vs Bayern

20 Gashyantare: Inter vs Atlético de Madrid, PSV vs Dortmund

21 Gashyantare: FC Porto vs Arsenal, Napoli vs Barcelona

Imikino yo kwishyura:

5 Werurwe 2024: Real Sociedad vs Paris, Bayern vs Lazio

6 Werurwe: Man City vs Copenhagen, Real Madrid vs Leipzig

12 Werurwe: Arsenal vs Porto, Barcelona vs Napoli

13 Werurwe: Atlético de Madrid vs Inter, Dortmund vs PSV

Tombola ya 1/4 na 1/2 cy’irangiza: 15 Werurwe 2024
Imikino ya 1/4: 9/10 & 16/17 Mata 2024
Imikino ya 1/2: 30 Mata/1 Gicurasi & 7/8 Gicurasi 2024
Umukino wa nyuma: 1 Kamena 2024 (Wembley Stadium, London)