skol
Kigali
startimes

Arsenal yagiriye ikibazo muri Norway nyuma yo gutsinda Molde

Imyidagaduro   Yanditswe na: Dusingizimana Remy 27 November 2020 Yasuwe: 5627

Ikipe ya Arsenal yaraye itsindiye Molde ku kibuga cyayo muri Norway yaraye igowe no kugaruka mu gihugu cy’Ubwongereza kubera ikirere kibi bituma yongera kurara muri iki gihugu kandi ifitanye umukino ukomeye na Wolverhampton ku Cyumweru.


Ibifashijwe na Nicolas Pépé,Nelson na Florin Balogun, Arsenal yabonye itike yo gukomeza muri 1/16 cya Europa League nyuma yo gutsinda Molde ibitego 3-0 mu mukino w’umunsi wa kane wo mu itsinda B wabaye ku wa Kane.

Nyuma y’uyu mukino,Arsenal, yagombaga guhita itaha kugira ngo ize kwitegura umukino wa Wolves ku cyumweru ariko ntibyakunze kuko yabwiwe ko ikirere ari kibi cyane bityo igomba gusubika urugendo.

Arsenal yahise isubira kuri hotel iraharara aho yabyutse mu gitondo cyo kuri uyu wa Gatanu igaruka mu Bwongereza.

Uru rugendo rwa Arsenal rushobora kuyigiraho ingaruka mbi kuko byakomye mu nkokora imyiteguro ya shampiyona.

Arsenal yari yateguye kwerekeza muri Norway kuwa Gatatu ariko yagiye kuwa Kabiri mu rwego rwo kubahiriza amabwiriza yo kwirinda Covid-19 aho yagombaga kubanza kwipimisha iki cyorezo.

Gutsinda umukino wa Molde, byatumye Arsenal iyobora itsinda B n’amanota 12, ibona itike yo gukomeza muri 1/16 mu gihe isabwa inota rimwe gusa kugira ngo yizere kuzamuka iyoboye itsinda.

Mu mukino uzaba mu cyumweru gitaha, izahura na Rapid Vienna yo yatsinze Dundalk ibitego 3-1 ikagira amanota atandatu inganya na Molde.

Andi makipe atatu yabonye itike yo kurenga imikino y’amatsinda ni Hoffenheim yo mu itsinda L, yatsinze Slovan Liberec ibitego 2-0, Leicester City yanganyije na Braga ibitego 3-3 mu itsinda G ndetse na AS Roma yatsinze CFR Cluj ibitego 2-0 mu itsinda A.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Frank Lampard yavuze kuri Timo Werner wahushije igitego ari kumwe...

Umutoza wa Chelsea,Frank Lampard,yavuze ko nubwo umukinnyi we Timo Werner...
17 January 2021 Yasuwe: 3631 0

Abakinnyi b’Amavubi bahawe nimero bazambara muri #TOTALCHAN2020

Ikipe y’igihugu y’u Rwanda Amavubi ikomeje imyitozo I Douala muri Cameroun...
16 January 2021 Yasuwe: 5224 0

Bruno Fernandes yahishuye ikintu gikomeye Manchester United itazemerera...

Umukinnyi Bruno Fernandes wazamuye urwego rw’ikipe ya Manchester United kuva...
16 January 2021 Yasuwe: 4206 0

Arsenal na Mesut Ozil bumvikanye ku kintu gikomeye

Amakuru aturuka mu Bwongereza aravuga ko Arsenal yamaze kumvikana...
16 January 2021 Yasuwe: 5234 0

Mohamed Salah yahishuye umukinnyi wa Liverpool watumye arira kubera...

Rutahizamu Mohamed Salah ukinira Liverpool yatangaje ko kuva yagera muri...
16 January 2021 Yasuwe: 5038 0

Cristiano Ronaldo yaciye amarenga y’undi mwuga yashobora mu mashusho...

Rutahizamu Cristiano umaze imyaka isaga 15 ari hejuru mu mupira w’amaguru...
16 January 2021 Yasuwe: 4698 0