Ikipe ya Arsenal y’uyu mwaka ikomeje kwandika amateka mashya,kuko yaraye itsinze Manchester United ibitego 3-2 yuzuza amanota 50 mu mikino 19 ya mbere ya shampiyona.
Mu mukino wari ugoye benshi bemeza ko ariwo mwiza kurusha iyindi yose imaze gukinwa muri shampiyona ya 2022/2023,Arsenal ku kibuga cyayo yatsinze bigoranye United ibitego 3-2 mu mukino Eddie Nketiah yigaragarijemo cyane.
Arsenal imaze gutakaza amanota 7 gusa kuva iyi shampiyona yatangira aho yanganyije kabiri na Southampton na (...)

Sponsored Ad

Ikipe ya Arsenal y’uyu mwaka ikomeje kwandika amateka mashya,kuko yaraye itsinze Manchester United ibitego 3-2 yuzuza amanota 50 mu mikino 19 ya mbere ya shampiyona.

Mu mukino wari ugoye benshi bemeza ko ariwo mwiza kurusha iyindi yose imaze gukinwa muri shampiyona ya 2022/2023,Arsenal ku kibuga cyayo yatsinze bigoranye United ibitego 3-2 mu mukino Eddie Nketiah yigaragarijemo cyane.

Arsenal imaze gutakaza amanota 7 gusa kuva iyi shampiyona yatangira aho yanganyije kabiri na Southampton na Newcastle hanyuma inatsindwa rimwe n’iyi United yaraye yihimuyeho.

Kugeza ubu,Arsenal irarusha Manchester City ya kabiri amanota 5 ariko iracyafite umukino itarakina mu biganza byayo.

Ikipe ya Mikel Arteta yujuje amanota 50 mu mikino 19 nyamara iyakomeye kurusha izindi mu mateka ya Arsenal yo muri 2003/04 mu mikino 19 yari ifite amanota 45 gusa.

Iyi kipe ya 2003/04 yatwaye igikombe cya shampiyona idatsinzwe umukino n’umwe mu gihe iy’uyu mwaka iri gukina umupira wo ku rwego rwo hejuru.

Arsenal y’uyu mwaka iratanga icyizere ko ishobora gutwara igikombe cya shampiyona nyuma y’imyaka 19 imaze itegerejeyihanganye.

Nubwo Arsenal iri ahantu heza,ntabwo ariyo kipe yagize amanota menshi kurusha izindi mu mikino 19 ya Premier League,kuko agahigo gafitwe na Man City ya 2017/18 ya Pep Guardiola,yatwaye igikombe igize amanota 100.

Iyi kipe muri uwo mwaka w’imikino,yari ifite amanota 55 mu mikino 19 ya mbere mu gihe Liverpool ya Klopp ya 2019/20 iri ku mwanya wa kabiri nayo na 55 ndetse icyo gihe yatwaye igikombe n’amanota 99.

Chelsea ya Mourinho muri 2005/06 yari ifite amanota 52 mu mikino 19 mu gihe kandi Liverpool ya 2018/19 yagize amanota 51 mu mikino 19 gusa ntiyatwaye igikombe.

Mu mukino wo kuri iki cyumweru,United niyo yafunguye amazamu bwa mbere ku gitego cyatsinzwe na rutahizamu wayo uhagaze neza Marcus Rashford ku munota wa 17 w’umukino.

Arsenal ntiyatinze yahise yishyura ibifashijwemo na Eddie Nketiah ku munota wa 24 amakipe yombi ajya kuruhuka anganya igitego 1-1.

Bidatinze ku munota wa 53,Bukayo Saka yatsindiye igitego cyiza cyane Arsenal, ku mupira yatereye inyuma y’urubuga rw’amahina,umunyezamu de Gea ntiyamenya aho unyuze.

United ntiyatinze kwishyura kuko nyuma y’iminota 6 gusa,Lisandro Martinez yishyuye n’umutwe yateranye ubuhanga.

Arsenal yababaje United ku munota wa 90 ubwo Eddie Nketiah wagize umukino mwiza yatsindaga igitego cy’intsinzi cyabanje kwikangwa ko habayemo kurarira ariko VAR yemeza ko nta kwabayeho.