Ikipe ya Arsenal yashakaga igisubizo hagati mu kibuga yamaze kumvikana n’Umutaliyani,Jorginho,wakiniraga Chelsea ndetse wari ugiye kurangiza amasezerano ye mu mpeshyi.
Arsenal itari ifite igisubizo ku mwanya w’umukinnyi ufasha ba myugariro,yahisemo kugura Jorginho nyuma yo kunanizwa na Brighton yayimye umukinnyi wayo Moises Caicedo.
Uyu mugabo w’imyaka 31,afite ubunararibonye muri Premier League kuko yageze muri Chelsea avuye muri Napoli muri 2014, ndetse yari asigaje amezi 6 kuri Stamford (...)

Sponsored Ad

Ikipe ya Arsenal yashakaga igisubizo hagati mu kibuga yamaze kumvikana n’Umutaliyani,Jorginho,wakiniraga Chelsea ndetse wari ugiye kurangiza amasezerano ye mu mpeshyi.

Arsenal itari ifite igisubizo ku mwanya w’umukinnyi ufasha ba myugariro,yahisemo kugura Jorginho nyuma yo kunanizwa na Brighton yayimye umukinnyi wayo Moises Caicedo.

Uyu mugabo w’imyaka 31,afite ubunararibonye muri Premier League kuko yageze muri Chelsea avuye muri Napoli muri 2014, ndetse yari asigaje amezi 6 kuri Stamford Bridge.

Uyu arakora ikizamini cy’ubuzima uyu munsi hanyuma asinye amasezerano y’amezi 18 ashobora kongerwaho undi mwaka umwe.

Arsenal yashakaga cyane Moises Caicedo wa Brighton ndetse yageze aho itanga miliyoni 75 z’amapawundi kuri uyu munya Ecuador ariko bayibwira ko batamugurisha.

Nubwo bivugwa ko Arsenal igisaba Brighton kuyigurisha Caicedo,amahirwe menshi nuko uyu mukinnyi wasabye kugenda mu minsi ishize azahaguma kugeza mu mpeshyi.

Arsenal iri ku mwanya wa mbere muri shampiyona aho irusha amanota 5 ikipe ya Man City ndetse n’umukino itarakina,irashaka gutwara iki gikombe imaze imyaka 19 itazi.

Jorginho araba umukinnyi wa gatatu Arsenal isinyishije muri uku kwezi kwa mbere,nyuma ya myugariro w’umunya Poland witwa Jakub Kiwior imukuye muri Spezia kuri miliyoni 20 z’amayero (£17.6m) na rutahizamu w’Umubiligi, Leandro Trossard,wa Brighton kuri miliyoni 21 z’amapawundi.

Jorginho yatsinze ibitego 29 mu mikino 213 yakiniye Chelsea, atwara Champions League, Europa League, Uefa Super Cup na Fifa Club World mu myaka ayimazemo.

Jorginho yavukiye muri Brazil ariko yimukira mu Butaliyani ku myaka 15 ndetse ahitamo gukinira Azzuri mu mikino mpuzamahanga.

Amaze guhamagarwa inshuro 46 kandi yari mu ikipe y’Ubutaliyani yatwaye that beat Euro 2020 i Wembley muri Nyakanga 2021.

Arsenal kandi yatije rutahizamu wayo Marquinhos mu ikipe ya Norwich yo mu cyiciro cya kabiri.

Jorginho yamaze kwerekeza muri Arsenal