Abanyabigwi b’ikipe ya Arsenal barimo Robert Pires, Ray Parlor na David Seaman,bari mu ikipe izwi nka The Invincibles yatwaye Premier League idatsinzwe ndetse ikamara imikino 49 itazi uko gutsindwa bisa, biravugwa ko bagiye gusura u Rwanda.
Nkuko amakuru dukesha Umunyamakuru wa B&B FM abitangaza,aravuga ko bari mu Rwanda mu ruzinduko rw’iminsi itanu.
Uyu munyamakuru B&B FM UMWEZI yavuze ko amakuru abageraho ari uko aba banyabigwi ba Arsenal barasura Pariki ya Nyungwe ejo kuwa Mbere (...)

Sponsored Ad

Abanyabigwi b’ikipe ya Arsenal barimo Robert Pires, Ray Parlor na David Seaman,bari mu ikipe izwi nka The Invincibles yatwaye Premier League idatsinzwe ndetse ikamara imikino 49 itazi uko gutsindwa bisa, biravugwa ko bagiye gusura u Rwanda.

Nkuko amakuru dukesha Umunyamakuru wa B&B FM abitangaza,aravuga ko bari mu Rwanda mu ruzinduko rw’iminsi itanu.

Uyu munyamakuru B&B FM UMWEZI yavuze ko amakuru abageraho ari uko aba banyabigwi ba Arsenal barasura Pariki ya Nyungwe ejo kuwa Mbere tariki ya 07 Gashyantare 2022,hanyuma ku wa 2 basure Pariki y’ibirunga mu gihe ku wa 3 bikunze bahura n’abafana ba Arsenal.

Amakuru avuga ko aba banyabigwi bakiniye Arsenal bageze i Kigali Ejo kuwa Gatandatu tariki ya 05 Gashyantare 2022.Bari mu ruzinduko rw’iminsi 5 mu Rwanda.

Ntabwo RDB iragira icyo itangaza kuri aya makuru y’ibi byamamare.

Aba baje bakurikira abakinnyi ba Arsenal barimo Granit Xhaka, Rob Holding na Ben White basuye aho u Rwanda ruri kumurikira ibikorwa byarwo mu Imurikagurisha mpuzamahanga riri kubera i Dubai mu cyumweru gishize.

Muri Gicurasi 2018 ni bwo byatangajwe ko Ikigo cy’Igihugu cy’Iterambere (RDB) cyinjiye mu bufatanye na Arsenal yo muri Premier League, u Rwanda ruyibera umuterankunga wa mbere ku maboko y’imipira, aho yambara ‘Visit Rwanda’ ku kuboko kw’ibumoso haba mu ikipe nkuru, iy’abatarengeje imyaka 23 no mu ikipe y’abagore.

RDB yatangaje ko nyuma y’imyaka itatu y’imikoranire yatanze umusaruro, mu 2019, impande zombi zanzuye ko zakongera igihe amasezerano yari kumara.

Abanyabigwi ba Arsenal basuye u Rwanda