Nkuko byatangajwe ni umutoza w’ikipe y’igihugu ya Chile Juan Antonio Pizzi, kizigenza w’iyi kipe Alexis Sanchez n’umunyezamu wabo wa mbere Claudio Bravo bashobora kutagaragara ku mukino wo kuri iki cyumweru barahuramo n’ikipe ya Cameroon mu mikino ya FIFA Confederations Cup iri kubera mu Burusiya kubera ibibazo by’imvune bafite.
Uyu musore ukina mu ikipe ya Arsenal yo mu bwongereza ari mu bakinnyi bitezwe cyane muri iki gikombe we na Rutahizamu Cristiano Ronaldo ukinira Portugal kubera uburyo (...)

Sponsored Ad

Nkuko byatangajwe ni umutoza w’ikipe y’igihugu ya Chile Juan Antonio Pizzi, kizigenza w’iyi kipe Alexis Sanchez n’umunyezamu wabo wa mbere Claudio Bravo bashobora kutagaragara ku mukino wo kuri iki cyumweru barahuramo n’ikipe ya Cameroon mu mikino ya FIFA Confederations Cup iri kubera mu Burusiya kubera ibibazo by’imvune bafite.

Uyu musore ukina mu ikipe ya Arsenal yo mu bwongereza ari mu bakinnyi bitezwe cyane muri iki gikombe we na Rutahizamu Cristiano Ronaldo ukinira Portugal kubera uburyo batsindamo ibitego ndetse n’ ubuhanga budasanzwe bwo gucenga bafite.

Mu kiganiro n’abanyamakuru umutoza wa Chile abajijwe ku mvune ya Sanchez yagize ati “Sanchez afite ikibazocy’ububabare mu kuguru kwe kw’ibumoso niyo mpamvu kuwa gatanu twamuretse ngo aruhuke.Tuzakomeza kumukoresha buhoro buhoro ku buryo azagaruka ku rwego rwe vuba.Arimo gukira gusa ashobora kutagaragara ku mukino .Dutegereje kumenya uko azaba ameze ku cyumweru nibwo tuzafata umwanzuro niba yakina.”

Ku kibazo cy’imvune uyu musore Sanchez yagize umutoza yavuze ko ari ikibazo cyo ku kuguru kwe kw’ibumoso ndetse ko ari imvune isa nimwe yagiriye ku mukino wa nyuma wa Copa Amerika aho bahuraga n’ikipe ya Argentina bakayitsinda kuri Penaliti.

Undi mukinnyi utari buze kugaragara ku ruhande rwa Chile ni umuzamu akaba na kapiteni w’iyi kipe Claudio Bravo wavunitse ku mukino ikipe akinira ya Manchester City yahuraga na Manchester United aho uyu musore yavuyemo asimbuwe .Nubwo yajyanye n’ikipe Bravo ntabwo yari yagakira neza ku buryo iyi kipe iraza gukoresha umuzamu wa kabiri Johnny Herrrera.

Uyu mukino wo mu itsinda B uraza kuba ku I saa mbili aho uraza kubanzirizwa ni urahuza ikipe ya Portugal y’umusore Cristiano Ronaldo na Mexico amakipe yo mu itsinda rya A ku I saa kumi n’imwe. Ku munsi w’ejo ikipe y’Uburusiya iri mu rugo yatsinze New Zealand ibitego 2-0 byatsinzwe na Micheal Boxall witsinze na Fedor Smolov watsinze icya 2.