Abakinnyi benshi bo mu ikipe y’igihugu y’Ububiligi iri kwitegura imikino ya Euro 2020 banze kwiteza urukingo rwa Pfizer kubera ko ngo rushobora gutuma batitwara neza muri iri rushanwa.

Sponsored Ad

Ikinyamakuru cyo muri iki gihugu HLN kivuga ko abakinnyi ba Roberto Martinez banze kwiteza uru rukingo kuko ngo bakeka ko rwababuza amahirwe yo gukina neza iyi mikino ya Euro 2020 izatangira kuwa Gatanu utaha.

Guverinoma y’Ububiligi yari yemeye ko abakinnyi bose bahabwa urukingo rwa Pfizer hanyuma iki gihugu kikaba icya mbere gikingije abakinnyi bacyo bose.

Icyakora,bamwe mu bakinnyi b’iyi kipe batinye gufata uru rukingo kuko bivugwa ko rutera umunaniro,kurwara umutwe,ububabare mu ngingo,n’umuriro.Ibi babishingira ko umwe mu bantu 10 barutewe bahura n’ibyo bibazo.

Ububiligi bufite abantu 1,498 banduye Covid-19 nkuko imibare yo kuwa 1 Kamena ibitangaza.

Ikipe y’Ububiligi iri mu zihabwa amahirwe menshi, izatangira Euro 2020 ikina n’Uburusiya kuwa 12 Kamena uyu mwaka.

Bamwe mu bakinnyi b’Ububiligi barimo Toby Alderweireld, Timothy Castagne, Thibaut Courtois na Thomas Vermaelen bivugwa ko bamaze guhabwa uru rukingo rwa Pfizer.

Prof Dirk Ramaekers ukuriye ibijyanye no gukingira Covid-19 mu Bubiligi yagize ati “Bamwe mu bakinnyi b’Ububiligi bakingiriwe hanze kuko hari n’abarwaye Covid mbere.Abandi banze kwikingira bavuga ko bazabikora nyuma y’irushanwa.