Real Madrid ihuye n’uruva gusenya kuko imaze gutsindirwa ku kibuga cyayo na FC Barcelona ibitego 3-0,maze ihita iyirusha amanota 14 ku rutonde rw’agateganyo rwa shampiyona ya Espagne La Liga.
Nubwo ikipe ya Real Madrid ariyo yari ku gitutu kuko yarushwaga amanota 11 mbere y’uyu mukino ndetse no kuba yari imbere y’abafana bayo,ntiyahiriwe n’uyu mukino wa El Clasico wari utegerejwe n’imbaga yabatuye isi kuko yatsinzwe ibitego 3-0,byse byabonetse mu gice cya kabiri bitsinzwe na Louis Suarez,Lionel (...)

Sponsored Ad

Real Madrid ihuye n’uruva gusenya kuko imaze gutsindirwa ku kibuga cyayo na FC Barcelona ibitego 3-0,maze ihita iyirusha amanota 14 ku rutonde rw’agateganyo rwa shampiyona ya Espagne La Liga.

Nubwo ikipe ya Real Madrid ariyo yari ku gitutu kuko yarushwaga amanota 11 mbere y’uyu mukino ndetse no kuba yari imbere y’abafana bayo,ntiyahiriwe n’uyu mukino wa El Clasico wari utegerejwe n’imbaga yabatuye isi kuko yatsinzwe ibitego 3-0,byse byabonetse mu gice cya kabiri bitsinzwe na Louis Suarez,Lionel Messi kuri Penaliti na Aleix Vidal.

Zinedine Zidane yatunguye abafana ba Real Madrid,kuko yahinduye uko yari asanzwe akina ndetse n’uburyo yahagarikaga abakinnyi aho yavuye kuri 4-3-3,ajya kuri 4-4-2 ibintu yahuriyeho na FC Barcelona.

Ikipe ya Real Madrid niyo yihariye igice cya mbere ndetse ibasha kubona uburyo butandukanye gusa Cristiano Ronaldo na Benzema ntibabasha kububyaza umusaruro.

Ikipe ya FC Barcelona yasaga n’iyakinnye igice cya mbere yiga Real madrid,yaje mu cya kabiri yariye karungu maze ku munota wa 54 ku mupira mwiza wazamukanywe na Ivan Rakitic awuhereza Sergi Roberto nawe ahita awusunikira Louis Suarez atsinda igitego cya mbere.

Igitego cya kabiri cyaturutse ku gusatira gukomeye ku ikipe ya FC Barcelona,ubwo Real Madrid yarimo ishaka kwishyura yazamutse yose isiga abakinnyi bake inyuma nuko iza gutakaza umupira wifatirwa n’aba rutahizamu ba FC Barcelona basigaranye n’umunyezamu wenyine bateye umupira mu izamu Varane arawugarura,Paulinho awusonga n’umutwe Dani Carvajal awugaruza intoki uri mu izamu byatumye ahabwa ikarita y’umutuku ndetse Barcelona ibona penaliti, yinjijwe neza na Lionel Messi.

Igitego cya 3 cyatsinzwe na Aleix Vidal ku munota wa 2 w’inyongera nyuma y’umupira wahinduwe mu rubuga rw’amahina na Messi.

Gutsindwa kwa Real madrid bitumye itakaza icyizere cyo kwiruka inyuma ya FC Barcelona kuko irushijwe na FC Barcelona amanota 14 ku munsi wa 17 wa shampiyona nubwo Real ifite umukino itarakina.

Ikipe ya FC Barcelona iri ku mwanya wa mbere aho ifite amanota 45 mu mikino 17 ndetse ntabwo iratsindwa na rimwe kuva iyi shampiyona ya La Liga yatangira mu gihe Real Madrid yo iri ku mwanya wakane n’amanota 31.

Abakinnyi babanje mu kibuga ku mpande zombi:

Real Madrid (4-4-2): Navas; Carvajal, Ramos, Varane, Marcelo; Casemiro (Asensio 72), Kovacic (Bale 72), Kroos, Modric; Benzema (Nacho 66), Ronaldo.

Barcelona (4-4-2): ter Stegen; Roberto (Vidal 90), Pique, Vermaelen, Alba; Busquets, Paulinho (Gomes 84), Iniesta (Semedo 77), Rakitic; Suarez, Messi

Dusingizimana Remy