Brazil yahamagaye abakinnyi 23 izitabaza mu gikombe cy’isi batarimo Alves
Yanditswe: Tuesday 15, May 2018
Ikipe ya Brazil iri mu zihabwa amahirwe yo kwegukana igikombe cy’isi cy’uyu mwaka wa 2018 kizabera mu Burusiya,yamaze guhamagara abakinnyi 23 bagomba kwitabira iyi mikino babuzemo myugariro Dani Alves wa PSG na Luiz wa Chelsea.
Aba bakinnyi 23 bahamagawe n’umutoza Tite , biganjemo abakinnyi bafite impano n’ ibikomerezwa bikina mu makipe y’ibihangange ku mugabane w’Iburayi ndetse bagomba guhita batangira imyiteguro yo gucakirana n’Ubusuwisi mu mukino wa mbere wo mu itsinda E.
Brazil niyo kipe ifite ibikombe by’isi byinshi, 5 ndetse niyo imaze kwitabira ibikombe by’isi byose uko ari 21 ubariyemo n’icy’uyu mwaka.
Neymar yakiriye igihe none yahamagawe
Dani Alves wari witezwe mu bagomba kubanza mu kibuga muri iki gikombe cy’isi,yagize imvune ikomeye yatumye adahamagarwa muri 23 bahamagawe n’umutoza Tite.
Mu itsinda E,Brazil izahura n’Ubusuwisi ku wa 17 Kamena, Costa Rica ku wa 22 Kamena na Serbia ku wa 27 Kamena uyu mwaka.
Alves wagombaga kubanza inyuma ku ruhande rw’iburyo yaravunitse
Abakinnyi 23 Brazil yahamagaye:
Abanyezamu: Alisson (Roma/ITA), Cassio (Corinthians/BRA), Ederson (Man City/ENG),
Ba Myugariro: Danilo (Man City/ENG), Fagner (Corinthians), Marcelo (Real Madrid/ESP), Filipe Luis (Atletico Madrid/ESP), Miranda (Inter Milan/ITA), Marquinhos (PSG/FRA), Thiago Silva (PSG/FRA), Geromel (Gremio)
Abakina Hagati: Casemiro (Real Madrid/ESP), Fernandinho (Man City/ENG), Paulinho (Barcelona/ESP), Renato Augusto (Beijing Guoan/CHN), Fred (Shakhtar Donestk/UKR), Philippe Coutinho (Barcelona/ESP), Willian (Chelsea/ENG)
Ba Rutahizamu: Neymar (PSG/FRA), Gabriel Jesus (Manchester City/ENG), Roberto Firmino (Liverpool/ENG), Douglas Costa (Juventus/ITA), Taison (Shakhtar Donestk/UKR)
Leave a Reply
Your email address will not be published. Required fields are marked *