Ushinzwe imikino muri minisiteri y’umuco na Siporo (MINISPOC), Bugingo Emmanuel, yasabye abakunzi b’imikino mu Rwanda kuba intangarugero bakifatanya n’abandi banyarwanda kwibuka ndetse bagafata iya mbere mu kurwanya ingengabitekerezo ya Genocide. Abakunzi b’imikino basabwe kuba intangarugero mu gihe cyo kwibuka
Ibi uyu muyobozi yabitangeje ku munsi w’ejo wari upanzweho imikino irimo iya 1/8 cy’igikombe cy’Amahoro yarangiye amakipe nka Amagaju, APR FC, Bugesera, Police FCyiyunze kuri Mukura (...)

Sponsored Ad

Ushinzwe imikino muri minisiteri y’umuco na Siporo (MINISPOC), Bugingo Emmanuel, yasabye abakunzi b’imikino mu Rwanda kuba intangarugero bakifatanya n’abandi banyarwanda kwibuka ndetse bagafata iya mbere mu kurwanya ingengabitekerezo ya Genocide.

Abakunzi b’imikino basabwe kuba intangarugero mu gihe cyo kwibuka

Ibi uyu muyobozi yabitangeje ku munsi w’ejo wari upanzweho imikino irimo iya 1/8 cy’igikombe cy’Amahoro yarangiye amakipe nka Amagaju, APR FC, Bugesera, Police FCyiyunze kuri Mukura Victory Sports, Sunrise na Marines mu mikino ya ¼.

Ikipe ya Amagaju yatsinze AS Muhanga 1-0 biyifasha kuyisezerera ku gitego cyo hanze kuko umukino ubanza byari 2-1, APR yanganyije 0-0 La Jeunesse gusa mu mukino ubanza APR FC yari yatsinze 3-0.

Bugesera FC yanganyije 0-0 na Kiyovu Sports bituma iyisezerera kuko ku Mumena amakipe yombi yanganyije 1-1 naho Police FC itsinda Musanze ibitego 3-0 mu gihe Musanze yari yatsinze 2-1 mu mukino ubanza.

Rayon Sports niyo yafunze ibirori bya ruhago byo kuri uyu wa Gatanu,ubwo yatsindaga Costa do Sol muri CAF Confederations Cup ibitego 3-0,byatsinzwe na Tchabalala watsinze 2 mu gihe Muhire Kevin nawe yamwunganiye.

Bugingo yatangarije ikinyamakuru The New Times ko abakunzi ba siporo bagomba kuba ibyitegererezo mu gihe cyo kwibuka ndetse bagashyira ingufu mu mikino yo kwibuka abazize Jenoside.

Yagize ati “Abakunzi b’imikino bakwiye kubera abandi icyitegererezo,bakagira uruhare muri gahunda zose zo kwibuka abazize jenoside.Bagomba kuba isoko y’ubumwe n’urukundo mu banyarwanda kuko aribyo byabasha kuvura abantu ibikomere batewe na Jenoside.”