Bukayo Saka yongeye gutorwa nk’umukinnyi w’Umwongereza wahize abandi bose mu mwaka w’imikino ushize ahigitse abandi bakomeye.

Sponsored Ad

Kuri uyu wa kabiri,nibwo uyu mukinnyi ukinira Arsenal wujuje imyaka 22, yaje ku mwanya wa mbere mu majwi y’abatora yisubiza iki gihembo yatsindiye mu 2021-22.

Umukinnyi wo hagati Jude Bellingham yabaye uwa kabiri mu majwi hanyuma kapiteni w’Ubwongereza watsinze ibitego byinshi kurusha abandi Bongereza bose,Harry Kane,aba uwa gatatu.

Saka yatsindiye ibitego birindwi Ubwongereza mu mikino 10 yabukiniye mu mwaka ushize, harimo umukino yatsinzemo ibitego bitatu [hat-trick] bwa mbere batsinda 7-0 North Macedonia kuri Old Trafford.

Uyu yatsinze ibitego 3 mu gikombe cy’isi cyo muri atar mu 2022 birimo bibiri yatsinze bakubita ibitego 6-2 Iran mu mukino ufungura itsinda ryabo ndetse anatsinda igitego muri 3-0 batsinze Senegal,muri 1/1 cy’irangiza

Saka watsindiye igihembo cy’umukinnyi muto witwaye neza muri Premier League ubushize [PFA young player of the year],amaze gutsindira Ubwongereza ibitego 11 mu mikino 28 amaze guhamagarwa.

Uyu ari mu ikipe ya Gareth Southgate izakina umukino wo gushaka itike y’igikombe cya Euro kuwa Gatandatu na Ukraine i Wroclaw n’uwa gicuti bazakina na Scotland i Glasgow.