Impuzamashyirahamwe y’umupira w’amaguru muri Afrika CAF yongeye gufatira ibihano Rayon Sports iyihora kwamamaza ku makabutura bitemewe mu mukino wa CAF Confederations Cup uherutse kuyihuza na USM Alger aho yayiciye ibihumbi 2 by’amadolari.

Sponsored Ad

CAF irashinja Rayon Sports kuba yarakinye yambaye amakabutura yanditseho umufatanyabikorwa w’iyi kipe SKOL, mu mukino wayihuje Rayon Sports na USM Alger ku cyumweru gishize,banganyije igitego 1-1.

Rayon Sports ntiyorohewe n’ibihano bya CAF

Nkuko biri mu masezerano CAF yagiranye n’amakipe akina amarushanwa yayo arimo CAF Champions League na CAF Confederations Cup, nta kipe yemerewe kwamamaza ku makabutura mu mikino yakiniye hanze y’igihugu cyayo uhereye mu mikino yo mu matsinda kugera ku mukino wa nyuma.

Kuri uyu mukino,Rayon Sports yari yagerageje guhisha inyandiko iri ku makabutura yayo igaragaza uruganda rwa Skol isanzwe yamamariza,ishyiraho ibipapuro bihisha izina ryarwo, ariko ntibyabujije CAF kwandikiraa Rayon Sports iyibwira ko yongeye kurenga ku mabwirizwa yayihaye ndetse ko iciwe amande y’ibihumbi 2000 by’idolari

CAF yaherukaga guca Rayon Sports amadorali 1000 ku mukino ubanza wabahuje na Young Africans, yongeye kuyica amadorali ibihumbi 2000 ivuga ko yamamaje aho itemerewe, n’ubwo bari bashyizeho impapuro zibihisha.

Ni inshuro ya 3 Rayon Sports iciwe amafaranga na CAF, nyuma y’ibyabereye mu Burundi, bayica andi mafaranga muri Tanzania, none bayisubiriye muri Algeria ndetse ibi bihano byose uko ari 3izatanga ibihumbi 18 by’amadolari

Biravugwa koRayon Sports itigeze ikoresha imyenda igomba kwambara muri aya marushanwa,ariyo mpamvu biyigora kuko inyandiko ya SKOL iri ku makabutura yayo.

Source:Ruhagoyacu.com