startimes
Kigali
startimes

Casa Mbungo yatangiye neza muri Rayon Sports mu gihe APR FC yakomeje kuba mpatsamakipe

Imyidagaduro   Yanditswe na: Dusingizimana Remy 4 March 2020 Yasuwe: 6468

Rutahizamu Sugira Ernest yongeye gufasha ikipe ya Rayon Sports kwivana mu mazi abira nyuma yo kuyitsindira igitego cy’intsinzi mu mukino ukomeye yakinaga na Etincelles FC I Rubavu mu gihe APR FC yakomeje gushimangira ubudahangarwa bwayo muri shampiyona y’uyu mwaka.


Sponsored Ad


Imyaka ibaye 8 ikipe ya Police FC idatsinda APR FC aho kuri uyu wa Gatatu taliki ya 04 Werurwe 2020 nabwo yatsinzwe n’iyi kipe y’ingabo z’igihugu igitego 1-0.

APR FC itaratsindwa muri uyu mwaka w’imikino,yatsinze Police FC igitego 1-0 cyatsinzwe ku munota wa 13 na Danny Usengimana ku mupira mwiza yahawe na Niyomugabo Claude acenga umuzamu ahita awuboneza mu nshundura.

Ikipe ya Police yagerageje kwishyura iki gitego ariko ba rutahizamu bayo barimo Iyabivuze Osee,Mico Justin,Nshuti Savio na Bigirimana Issa wasigaranye n’umunyezamu ntibakoresha neza amahirwe yahawe.

Ku rundi ruhande,APR FC yabonye andi mahirwe ku bakinnyi bayo barimo Byiringiro Lague wahushije ibitego 2 na Butera Andrew ntibabyitwaramo neza.

Mu wundi mukino wari utegerejwe na benshi,ikipe ya Rayon Sports yari yasuye Etincelles FC mu mukino w’ishyiraniro warangiye abakinnyi bayo bakiriye neza umutoza Casa Mbungo Andre watozaga umukino we wa mbere.

Rayon Sports yagiye muri uyu mukino idafite abakinnyi bayo barimo Dagnogo,Sarpong na Umar Sidibe ndetse hakiri kare itakaza rutahizamu wayo Bizimana Yannick wavunitse asimburwa na Mugisha Gilbert.

Ku munota wa 15 w’umukino,Etincelles yafunguye amazamu ibifashijwemo na Itangishaka Ibrahim ndetse iki gitego ikiryamaho kugeza igice cya mbere kirangiye.

Mu kiruhuko cy’iminota 15,umutoza Casa Mbungo yahaye amabwiriza abakinnyi be bagaruka bariye karungu niko gutangira kwima umupira iyi kipe y’I Rubavu bituma batsinda bavuye inyuma.

Ku munota wa 75 nibwo Rayon Sports yishyuye igitego ibifashijwemo na Sekamana Maxime umaze iminsi ahagaze neza cyane.

Rayon Sports ishaka kongera kwigaranzura APR FC ya mbere,yakomeje gusatira bituma ku munota wa 83 ibona igitego cy’intsinzi ibifashijwemo na rutahizamu Sugira Ernest ukomeje kuyihesha amanota aho bikomeye.

APR FC yakomeje gushimangira umwanya wa mbere n’amanota 51, mu gihe mukeba wayo Rayon Sports yisubije umwanya wa kabiri n’amanota 44 mu gihe Police FC ifite 43 ku mwanya wa 3.

Uko imikino yose y’umunsi wa 21 yagenze:

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Polo

    Mukomereze aho Ikipe ya Gikundiro imeze neza. Imana ikomeze ihire CASSA Mbungo na groupe yose.

    5 months ago

Inzindi nkuru

Gasogi United yasinyishije Rutahizamu wa mbere i Burundi yise "Intare...

Ikipe ya Gasogi yatangaje ko yamaze kugura rutahizamu "Intare y’Akanwa...
14 August 2020 Yasuwe: 92 0

Michael Sarpong wahakaniwe na Simba SC ashobora gusinyira ikipe imwe yo mu...

Michael Sarpong wari uri mu kizeye gihanitse cyo kuzakinira ikipe ya Simba...
14 August 2020 Yasuwe: 395 0

Arsenal yamaze gusinyisha rutahizamu Willian wakiniraga Chelsea

Kuri uyu wa gatanu tariki ya 14 Kanama 2020,Arsenal yatangaje ko yamaze...
14 August 2020 Yasuwe: 898 0

Umukinnyi wa Chelsea yanyoye inzoga nyinshi ananirwa kwigenza...

Umukinnyi wo hagati mu ikipe ya Chelsea witwa Ross Barkley yafotowe...
14 August 2020 Yasuwe: 1832 0

RB Leipzig yatunguye Atletico Madrid iyisezerera muri UEFA Champions...

Ikipe ya RB Leipzig yafatwaga nk’insina ngufi muri UEFA Champions...
13 August 2020 Yasuwe: 1157 0

Lionel Messi yigaranzuye Cristiano Ronaldo mu bakinnyi binjije menshi...

Ikinyamakuru France Football cyo mu Bufaransa gisanzwe gitanga Ballon d’Or...
13 August 2020 Yasuwe: 1557 0