Ikipe ya Chelsea yafunze isoko ryo kugura no kugurisha abakinnyi iguze abakinnyi babiri barimo Pierre Emerick-Aubameyang yakuye muri FC Barcelona na Dennis Zakaria yakuye muri Juventus.
Uyu wahoze ari kapiteni wa Arsenal,Aubameyang,yatangajwe habura igihe gito ngo isoko rifunge gusa yari yamaze kugera mu mujyi wa London.
Iyi kipe yo mu Burengerazuba bwa London yemeje ko yatijwe kandi umukinnyi wo hagati wa Juventus,Denis Zakaria.
Uyu rutahizamu w’imyaka 33, yongeye guhura na Thomas Tuchel (...)

Sponsored Ad

Ikipe ya Chelsea yafunze isoko ryo kugura no kugurisha abakinnyi iguze abakinnyi babiri barimo Pierre Emerick-Aubameyang yakuye muri FC Barcelona na Dennis Zakaria yakuye muri Juventus.

Uyu wahoze ari kapiteni wa Arsenal,Aubameyang,yatangajwe habura igihe gito ngo isoko rifunge gusa yari yamaze kugera mu mujyi wa London.

Iyi kipe yo mu Burengerazuba bwa London yemeje ko yatijwe kandi umukinnyi wo hagati wa Juventus,Denis Zakaria.

Uyu rutahizamu w’imyaka 33, yongeye guhura na Thomas Tuchel bakoranye muri Borussia Dortmund.

N’umukinnyi wa munani Chelsea yasinyishije muri iyi mpeshyi kandi ashobora kuba rutahizamu iyi kipe yabuze mu ntangiriro za shampiyona,

kugura Dennis Zakaria nk’intizanyo,byatumye Billy Gilmour arekurwa yerekeza muri Brighton kuri miliyoni 10 z’ama pound.

Ikipe ya Chelsea yatandukanye na Marcos Alonso baseshe amasezerano ahita yerekeza muri FC Barcelona mu gihe yatije Ethan Ampadu muri Spezia yo mu Butaliyani.

Nyiri Chelsea witwa Toddy Boehly amaze gutanga miliyoni £255 mu igura rya mbere rye ry’abakinnyi kuva yagura iyi kipe yari iya Roman Abramovich – ayo niyo mafaranga menshi ikipe yo mu Bwongereza iguze abakinnyi mu gihe cyo kubagura.

Aubameyang yagize ati: “Ndishimye rwose. Ni ishema kuba umwe muri iyi kipe ntegereje cyane gutangira. Mfite ibyo ntarangije muri Premier League rero ni byiza ko ngarutse.”

Auba yatsinze ibitego 92 mu mikino 163 y’amarushanwa yose ari muri Arsenal, ariko baza kumurekura ngo agende nyuma yo gushwana n’umutoza Mikel Arteta.

Uko kugenda kwagize umwanya munini muri ‘documentary’ ya Arsenal yiswe ‘All or Nothing’.

Muri iyi mpeshyi, Chelsea yaguze abakinnyi icyenda, barimo;

Wesley Fofana wavuye muri Leicester kuri miliyoni £70

Marc Cucurella wavuye muri Brighton kuri miliyoni £62

Raheem Sterling wavuye muri Manchester City kuri miliyoni £50

Kalidou Koulibaly wavuye muri Napoli kuri miliyoni £34

Carney Chukwuemeka wavuye muri Aston Villa kuri miliyoni 20£

Nyiri Chelsea, Boehly yagize ati: “Pierre-Emerick ni rutahizamu wo hejuru ufite ibigwi biboneka muri Premier League kandi kuza kwe kongereye imbaraga mu ikipe kuduha ubundi buryo mu gusatira.”