skol
Kigali
startimes

Chelsea yandagaje Manchester United ikatisha itike iyigeza ku mukino wa nyuma wa FA Cup

Imyidagaduro   Yanditswe na: Dusingizimana Remy 19 July 2020 Yasuwe: 1470

Ikipe ya Chelsea FC yihanije ikipe ya Manchester United iyitsinda ibitego 3-1 biyifasha kugera ku mukino wa nyuma wa FA Cup izahuriraho na Arsenal yo yabashije kwigaranura Manchester City ku munsi w’ejo.


Chelsea yari imaze iminsi itsindwa umusubirizo na Manchester United yihimuye kuri iki cyumweru ubwo yayitsindaga ibitego 3-1 biyifasha kugera ku mukino wa nyuma wa FA Cup ku nshuro ya 14.

Umukino watangiye ikipe ya Chelsea iri ku rwego rwo hejuru cyane ndetse irusha Manchester United ku buryo bugaragara cyane ko iyi kipe y’umutoza Ole yacungiraga ku mipira itakaye.

Chelsea FC yafunguye amazamu minota 11 yongewe ku gice cya mbere cy’umukino ibifashijwemo na rutahizamu Olivier Giroud ku mupira mwiza yahawe na Cesar Azpilicueta.

Igice cya kabiri cyatangiye Chelsea igifite imbaraga bituma ibona igitego cya kabiri ku munota wa 48 gitsinzwe na Mason Mount ku ishoti rikomeye yateye hanyuma umunyezamu David de Gea arawurekura ujya mu izamu.

Harry Maguire yitsinze igitego ku munota wa 74 w’umukino ubwo Marcos yahinduraga umupira imbere y’izamu ugasanga uyu myugariro aho yari ahagaze ahanganye na Antonio Rudiger aho kuwukura mu izamu ahubwo awushyira mu izamu.

Ku munota wa 85 Manchester United yabonye penaliti ubwo Callum Hudson-Odoi yategeraga mu rubuga rw’amahina Anthony Martial.Iyi penaliti yatewe neza na Bruno Fernandes bituma Manchester United ibona impozamarira.

Chelsea FC yageze ku mukino wa nyuma ku nshuro ya 14 ikaba igiye gushaka igikombe cya FA Cup cya 9 mu gihe Arsenal bazahangana ifite ibikombe 13.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Koeman wizeye ko Messi azakina neza kurushaho ntabwo yiha amahirwe menshi...

Umutoza Ronald Koeman wa Barcelona avuga ko imikinire ya Lionel Messi...
20 October 2020 Yasuwe: 649 0

Aubameyang yahaye ubutumwa bukomeye abakomeje kumwibasira bamushinja...

Kapiteni w’ikipe ya Arsenal, Pierre-Emerick Aubameyang ukomeje kwibasirwa na...
19 October 2020 Yasuwe: 1928 0

Jose Mourinho yongeye kwibasira Arsene Wenger wanze kumwandika mu gitabo...

Umutoza wa Tottenham,Jose Mourinho,yatangaje ko atatunguwe n’uko mugenzi we...
19 October 2020 Yasuwe: 3355 0

Andrea Pirlo yibasiye abakinnyi be bananiwe gutsinda ikipe ikizamuka

Umutoza mushya wa Juventus,Andrea Pirlo yibasiye abakinnyi be bananiwe...
19 October 2020 Yasuwe: 1429 0

Zinedine Zidane ari mu mazi abira kubera ikosa rikomeye ashinjwa...

Abayobozi batandukanye ba Real Madrid barakariye cyane umutoza wabo...
19 October 2020 Yasuwe: 7054 0

David Moyes yibasiye Jose Mourinho nyuma yo kumwishyura ibitego 3 mu minota...

Umutoza wa Westham,David Moyes,waraye wishyuye Tottenham ibitego 3 mu buryo...
19 October 2020 Yasuwe: 2356 1