Icyamamare mu gusifura,Mark Clattenburg yataye akazi yari yahawe n’ishyirahamwe ry’umupira w’amaguru mu misiri ko gukurira akanama k’abasifuzi kubera ubwoba bw’umutekano we.
Uyu mugabo wasifuye bikamuhira muri Premier League,yavuze ko yakiriye ubutumwa bw’iterabwoba bw’abafana ba Zamalek ndetse na Perezida w’iyi kipe bamubwira ko bazamumerera nabi.
Uyu munyabigwi wahawe akazi muri Kanama ko kuzamura urwego rw’imisifuri mu misiri,yagize ubwoba bw’ibi bitero yagabweho afumyamo arigendera. (...)

Sponsored Ad

Icyamamare mu gusifura,Mark Clattenburg yataye akazi yari yahawe n’ishyirahamwe ry’umupira w’amaguru mu misiri ko gukurira akanama k’abasifuzi kubera ubwoba bw’umutekano we.

Uyu mugabo wasifuye bikamuhira muri Premier League,yavuze ko yakiriye ubutumwa bw’iterabwoba bw’abafana ba Zamalek ndetse na Perezida w’iyi kipe bamubwira ko bazamumerera nabi.

Uyu munyabigwi wahawe akazi muri Kanama ko kuzamura urwego rw’imisifuri mu misiri,yagize ubwoba bw’ibi bitero yagabweho afumyamo arigendera.

Clattenburg yanenzwe cyane na Mortada Mansour, Perezida wa Zamalek Sporting Club,yatwaye ibikombe 14 bya shampiyona mu Misiri.

Mansour yanenze umwanya ukomeye Clattenburg yahawe mu gihugu cyabo nkuko bivugwa na The Sun.

Perezida wa Zamalek yashinje uyu Mwongereza kutitwara neza mu buzima busanzwe ahanini ku mubano we n’umugore we.

Mansour yamushinje ko yataye umugore we kugira ngo yibere umutinganyi.

Uyu mugabo w’imyaka 47 yatinye ibikangisho by’abafana ba Zamalek bituma ahitamo kwisubirira iwabo.

Clattenburg yari ahangayikishijwe kandi nuko inshingano ze zahinduwe na shampiyona mu gihe yarimo ahangana no kumvisha abasifuzi b’ahandi kuza mu Misiri gusifura imikino ikomeye.

Uyu mugabo yavuze ko atigeze ahembwa amezi abiri umushahara w’ibihumbi 32 by’amapawundi yahembwaga ku kwezi.

Ishyirahamwe rya ruhago mu Misiri naryo ryemeje ko Clattenburg yeguye ku mwanya we ariko bagomba gusuzuma ibyo kugenda kwe.