Ikipe y’igihugu ya Côte d’Ivoire yegukanye igikombe cya Afurika yakiriye itsinze Nigeria ibitego 2-1,nyuma yo kurokoka by’igitangaza mu mikino y’amatsinda ikazamuka mu makipe yatsinzwe neza.

Sponsored Ad

Côte d’Ivoire yakoze ibitangaza byinshi muri iri rushanwa kuko uko yatsinze yaturukaga inyuma hafi yo gusezererwa.

Côte d’Ivoire yayoboye uyu mukino kuva utangiye kuko ku munota wa 7, Adingra yakase umupira mwiza imbere y’izamu,Max Gradel uramucika.

Ku munota wa 33, Adingra yinjiye mu rubuga rw’amahina,ateye ishoti rikomeye umunyezamu Nwabali awukuramo.

Kuri uyu mukino wa nyuma wabereye ku kibuga Alassane Ouattara, Nigeria niyo yafunguye amazamu ku munota wa 37 ku gitego cyatsinzwe na William Troost Ekong ku mutwe.Igice cya mbere cyarangiye ari igitego 1-0.

Nk’ikipe yatsinzwe igitego,Côte d’Ivoire yagarutse mu gice cya Kabiri iri hejuru byatumye ku munota wa 59, Kessie ahusha igitego cyabazwe,ateye umutwe udakomeye.

Ku munota wa 61 yishyura ibifashijwemo na Frankie Kessie ku mupira wari uvuye muri koloneri yatewe na Simon Adingra.

Côte d’Ivoire yarushaga bigaragara Nigeria,yakomeje gusatira ndetse ihusha ibitego byinshi birimo umupira Haller yikaraze mu kirere Ari mu rubuga rw’amahina,uca ku izamu Gato.

Ku munota wa 81, Simon Adingra wari hejuru cyane yacenze Aina,akaraga umupira mu rubuga rw’amahina usanga Sebastien Haller awutanga myugariro Bassey, atsinda igitego cy’intsinzi cya Côte d’Ivoire.

Nigeria yagerageje kwishyura iki gitego ariko ba rutahizamu yinjije na Osimhen utahiriwe n’uyu mukino ntibabibasha.

Umukino warangiye Côte d’Ivoire itsinze uyu mukino ibitego 2-1.Umukinnyi w’umukino yabaye Simon Adingra waremye uburyo bwose Côte d’Ivoire yabonye ndetse anatanga imipira 2 yavuyemo ibitego.

Iki ni igikombe cya 3 ikipe ya Cote D’Ivoire itwaye,ikaba inganyije na Nigeria yatsinze.

Cote D’Ivoire yazamutse ari iya nyuma muri 4 zahawe amahirwe yo kuzamuka zitsinzwe neza

Ibi yabifashijwemo na Maroc yatsinze Zambia igitego 1-0 naho ubundi yari yatashye.

Mu itsinda A yari kumwe na Guinea Bissau, Equatorial Guinea na Nigeria.

Yatsinze Bissau ibitego 2-0,itsindwa na Nigeria igitego 1-0, hanyuma inyagirwa na Equatorial Guinea ibitego 4-0.

Muri 1/8 yakuyemo ikigugu Senegal kuri penaliti 5-4 nyuma yo kunganya 1-1,muri 1/4 ikuramo Mali iyitsinze ibitego 2-1 hanyuma muri 1/2 ikuramo RDC ku gitego 1-0.

Umunyezamu w’Irushanwa yabaye Ronwen Williams wa Afurika y’Epfo yabaye iya Gatatu mu irushanwa.

Uwatsinze ibitego byinshi ni Emilio Nsue wa Equatorial Guinea watsinze ibitego 5.

Umukinnyi w’Irushanwa ni Willam Troost Ekong,kapiteni wa Nigeria.

Umutoza w’Irushanwa ni Emerse Faé wa Cote D’Ivoire wahawe iyi kipe nyuma y’amatsinda birukanye umukuru Gasset.

Umwana muto witwaye neza mu irushanwa ni Simon Adingra.

Igikombe cy’ibihugu nkiki Cote D’Ivoire yaherukaga kugitwara mu 2015 no mu 1992.

Ibaye iya mbere itwariye iki gikombe iwabo nyuma ya Misiri yabikoze mu 2006.