Umunya Brazil Philippe Coutinho wakiniraga Liverpool mu kibuga hagati, yamaze kwerekeza mu ikipe ya FC Barcelona yo muri Espagne aguzwe akayabo ka miliyoni 145 z’amapawundi aho yasinye amasezerano y’imyaka 5 n’igice. Uyu musore wari umaze iminsi avugwa ku isoko,inkuru yamaze kuba kimomo ko yerekeje muri iyi kipe y’igihangange ku isi aho agiye gukinana n’ibihangange birimo Lionel Messi,Luis Suarez na Andres Iniesta.
Coutinho w’imyaka 25,abaye umukinnyi wa FC Barcelona nyuma y’igihe iyi kipe yo (...)

Sponsored Ad

Umunya Brazil Philippe Coutinho wakiniraga Liverpool mu kibuga hagati, yamaze kwerekeza mu ikipe ya FC Barcelona yo muri Espagne aguzwe akayabo ka miliyoni 145 z’amapawundi aho yasinye amasezerano y’imyaka 5 n’igice.

Uyu musore wari umaze iminsi avugwa ku isoko,inkuru yamaze kuba kimomo ko yerekeje muri iyi kipe y’igihangange ku isi aho agiye gukinana n’ibihangange birimo Lionel Messi,Luis Suarez na Andres Iniesta.

Coutinho w’imyaka 25,abaye umukinnyi wa FC Barcelona nyuma y’igihe iyi kipe yo mu ntara ya Catalonia yari imaze imushaka kuko yahereye mu mpeshyi z’umwaka ushize.

Coutinho abaye umukinnyi wa kabiri uhenze mu mateka y’isi nyuma ya Neymar wavuye muri FC Barcelona mu mwaka ushize akerekeza mu ikipe ya PSG ku kayabo ka miliyoni 198 z’amapawundi zingana na miliyoni 222 z’amayero.

Ikipe ya FC Barcelona nayo yamaze kwemeza iby’iyi nkuru ibinyujije ku mbuga zayo zitandukanye aho yagaragaje amafoto y’umwenda wayo wanditseho Coutinho ndetse bandika n’amagambo yo kumuha ikaze.

Ikipe izakenera gukura Coutinho muri FC Barcelona igomba kwishyura akayabo ka miliyoni 400 z’amayero.

Uyu musore avuye muri Liverpool ayikiniye imikino 200 aho yayitsindiye ibitego 52 mu marushanwa yose nubwo nta gikombe yayifashije gutwara.

Abakinnyi 10 bamaze kugurwa amafaranga menshi ku isi

1. Neymar (2017, Barcelona yerekeza PSG, £198m)

2. Philippe Coutinho (2018, Liverpool yerekeza Barcelona, £145m)

3. Ousmane Dembele (2017, Borussia Dortmund yerekeza Barcelona, £97m)

4. Paul Pogba (2016, Juventus yerekeza Manchester United, £89m)

5. Gareth Bale (2013, Tottenham yerekeza Real Madrid, £86m)

6. Cristiano Ronaldo (2009, Manchester United yerekeza Real Madrid, £80m)

7. Gonzalo Higuain (2016, Napoli yerekeza Juventus, £75.3m)

8. Neymar (2013, Santos yerekeza Barcelona, £71.5m)

9= Romelu Lukaku (2017, Everton yerekeza Manchester United, £75m)

9= Virgil van Dijk (2018, Southampton yerekeza Liverpool, £75m)

9= Luis Suarez (2014, Liverpool yerekeza Barcelona, £75m)