Umunya Portugal Cristiano Ronaldo yabwiye abakinnyi bakinana ko atacyifuza gukina muri Espagne mu ikipe ya Real Madrid nyuma yo gushinjwa kunyereza imisoro irenga miliyoni 13 z’amapawundi ibirego ahakana nk’uko amakuru dukesha Marca abivuga.
Uyu musore w’imyaka 32 amaze igihe kirekire ahanganye n’ibiro bishinzwe imisoro n’amahoro muri iki gihugu bikunda kwifatira ku gahanga abakinnyi b’ibihangange aho mu minsi ishije yari Lionel Messi,Alexis Sanchez,Xavier Mascherano none bafashe na Cristiano (...)

Sponsored Ad

Umunya Portugal Cristiano Ronaldo yabwiye abakinnyi bakinana ko atacyifuza gukina muri Espagne mu ikipe ya Real Madrid nyuma yo gushinjwa kunyereza imisoro irenga miliyoni 13 z’amapawundi ibirego ahakana nk’uko amakuru dukesha Marca abivuga.

Uyu musore w’imyaka 32 amaze igihe kirekire ahanganye n’ibiro bishinzwe imisoro n’amahoro muri iki gihugu bikunda kwifatira ku gahanga abakinnyi b’ibihangange aho mu minsi ishije yari Lionel Messi,Alexis Sanchez,Xavier Mascherano none bafashe na Cristiano Ronaldo.

Nkuko bitangazwa n’iki kinyamakuru Marca cya hariya muri Espagne kiravuga ko uyu musore aramutse abonye ikipe imuha ibyo yifuza nta kabuza umuryango umusohora mu ikipe ya Real Madrid amaze gutsindira ibitego birenga 400 yawufungura agasohoka.

Mu nkuru iki kinyamakuru Marca cyasohoye cyavuze ko Cristiano Ronaldo yabwiye bagenzi be b’abanyaportugal bari kumwe mu burusiya aho bagiye kwitabira imikino ya Confederations Cup ati “Namaze kuva mu ikipe ya Real Madrid.iki ni icyemezo ndakuka kandi nta mpamvu yo kwisubiraho”.

Amakipe menshi atandukanye aravugwa ko ashobora gusinyisha iyi mashini y’ikora ibitego aho ku isonga havugwa ikipe y’abanya Qatar Paris Saint Germain ngo ishobora kumena Banki ikamugura aho biri kuvugwa ko perezida wa Paris Saint Germain Nasser Kheraifi yari I Cardiff ahabereye umukino wa nyuma wahuje Real Madrid na Juventus aho bivugwa ko yagiranye ibiganiro mw’ibanga n’iki gihangange.

Indi kipe iri kuvugwa n’ ikipe ya Manchester United yamugize igihangange ahobivugwa ko ashobora kuyigarukamo agasoza umupira w’amaguru ariyo akinira.
Hari ibindi bihuha bivugwa ko ashobora kwerekeza mu ikipe ya Bayern Munich gukorana n’umutoza Carlo Ancelotti batwaranye Champions League,abandi bakavuga ko yiteguye kwerekeza muri amerika cyangwa akajya kurya amafaranga yo mu Bushinwa aho hari ikipe ishaka kumuhembe miliyoni y’amapawundi ku cyumweru.