Nkuko byagenze muri UEFA,Ishyirahamwe ry’umupira w’amaguru ku isi,FIFA naryo ryatangaje ko abakinnyi batatu bagomba gutorwamo uzahabwa igihembo yise “FIFA The Best”benshi bazi nka Ballon d’Or ari Cristiano Ronaldo,Luka Modric na Mohamed Salah.

Sponsored Ad

Lionel Messi wahoraga muri uru rutonde kuva muri 2006 rwa FIFA,yongeye kurenzwa ingohe no muri FIFA nyuma yo gukurwa mu rutonde rw’abakinnyi 3 bitwaye neza ku mugabane w’I Burayi mu minsi ishize mu gihembo cyahawe Luka Modric ahigitse Ronaldo.

Modric niwe uhabwa amahirwe yo kwegukana FIFA The Best

Aba bakinnyi 3 bamaze gutangarizwa mu nama ikomeye yabereye I London mu Bwongereza ihuza abayobozi ba ruhago ku isi.

Benshi bemeje ko Luka Modric ariwo uzongera kwigaranzura aba bagenzi be bahanganye kubera uburyo yitwaye mu gikombe cy’isi cyabereye mu Burusiya,akageza Croatia itazwi ku mukino wa nyuma w’igikombe cy’isi.

Abatoza bazavamo uwahize abandi muri 2018

Abatoza batatu bazatorwamo uwahize abandi ni Didier Deschamps w’Ubufaransa, Zinedine Zidanewahoze atoza Real Madrid na Zlatko Dalic wa Croatia mu gihe abanyezamu bazatorwamo uwa mbere ari Kasper Schmeichel wa Leicester, Hugo Lloris wa Tottenham naThibaut Courtois wa Real madrid uhabwa amahirwe.

Abazahatana mu bihembo bya FIFA The Best

Umuhango wo gutangaza umukinnyi wahize abandi mu mwaka w’imikino 2017/2018 uzaba ku wa 24 Nzeri uyu mwaka ubere Royal Festival Hall muri Southbank.



Ronaldo,Modric na Salah nibo bazatotwamo uzahabwa FIFA The Best