Inkuru dukesha urubuga rwa Forbes magazine rwo muri Leta Zunze Ubumwe z’Amerika yasohotse kuri uyu wa gatatu iratangaza ko umunya Portugal w’Imyaka 32 ukina umupira w’amaguru mu ikipe ya Real Madrid aza ku isonga mu kwinjiza amafaranga menshi mu bakinnyi bakina imikino itandukanye ku isi.
Uyu munya Portugal uherutse kwegukana igikombe cya UEFA Champions League ari kumwe na Real Madrid akomeje gukora anmateka aho uyu ubaye umwaka wa kabiri yikurikiranya ayobora uru rutonde.
Ronaldo yashoboye (...)

Sponsored Ad

Inkuru dukesha urubuga rwa Forbes magazine rwo muri Leta Zunze Ubumwe z’Amerika yasohotse kuri uyu wa gatatu iratangaza ko umunya Portugal w’Imyaka 32 ukina umupira w’amaguru mu ikipe ya Real Madrid aza ku isonga mu kwinjiza amafaranga menshi mu bakinnyi bakina imikino itandukanye ku isi.

Uyu munya Portugal uherutse kwegukana igikombe cya UEFA Champions League ari kumwe na Real Madrid akomeje gukora anmateka aho uyu ubaye umwaka wa kabiri yikurikiranya ayobora uru rutonde.

Ronaldo yashoboye kwinjiza miliyoni 93 z’amadolari y’Amerika muri uyu mwaka aho yaje imbere ya Lebron James umunyamerika w’imyaka 32 ukina Basketball mu ikipe ya Cleveland Cavaliers ikina muri shampiyona ya NBA aho iyi kipe iri ku mukino wa nyuma ihanganye na Gorden State Warriors.

Nubwo Cristiano yatwaye igihembo cy’umukinnyi mwiza w’umwaka ku nshuro ya kane ndetse akaba yarabashije gutsinda igitego cya 600 nk’umukinnyi wa ruhago amafaranga ye yaturutse ku mushahara wa miliyoni 58 z’amadolari yahawe n’ikipe ya Real Madrid akinira wongeyeho n’uduhimbazamusyi ndetse na miliyoni 35 z’amadolari y’Amerika yahawe n’ibigo yamamariza birimo Nike,Tag Hauer,Herbalife,Abbott Labs n’ibindi .

Uretse uwo mushahara ndetse n’ibigo yamamariza uyu musore nawe afite ibicuruzwa bimwitirirwa birimo inkweto,imyenda y’imbere ingofero ndetse n’amahoteli tutibagiwe uduhimbazamusyi yahawe n’imbuga nkoranyambaga kubera gukurikirwa n’abantu benshi kuko uyu musore akurikirwa n’abarenga miliyoni 277 kuri Facebook,Twitter,Instagram bose ubateranyije mu gihe afite agahigo ko kuba ariwe muntu ukurikirwa n’abantu benshi kuri facebook abarenga miliyoni 121.
Lebron James wa kabiri yinjije miliyoni 86,2 z’amadolari y’Amerika aho amafaranga ye aturuka ahanini ku mushahara wa miliyoni 8 z’amadolari y’amerika ahabwa n’ikipe ya Cleveland Cavaliers mu gihe asigaye aturuka mu kwamamaza.

Kurutonde rw’abakinnyi 100 binjije agatubutse haragaragaramo umukobwa umwe umunyamerikakazi ukina umukino wa Tennis Serena Williams uri ku mwanya wa 51 na miliyoni 27 z’amadolari y’Amerika.

Abakinnyi 10 ba Mbere :
1. Cristiano Ronaldo Football $93
2. Lebron James Basketball $86.2
3. Lionel Messi Football $80
4. Roger Federer Tennis $64
5. Kevin Durant Basketball $60.6
6. Andrew Luck American Football $50
7. Rory MCllroy Golf $50
8. Stephen Curry Basketball $47.3M
9. James harden Basketball $46.6 M
10. Lewis Hamilton F1 $46