Umunyabigwi mu mupira w’amaguru,Cristiano Ronaldo ari mu bakinnyi 26 bahamagawe mu ikipe ya Portugal izakina igikombe cy’isi cya 2022 kibura iminsi ngo gitangire muri Qatar.
Uyu mukinyi w’imyaka 37 utarahiriwe n’uyu mwaka w’imikino muri United,agiye gukina igikombe cy’isi cye ku nshuro ya 5 kuko yahereye 2006.
Muri uyu mwaka w’imikino,yakinnye imikino 16 muri United, harimo 10 abanza mu kibuga,atsinda ibitego bitatu gusa.
Umutoza wa Portugal, Fernando Santos, yagize ati: "Abakinnyi bose (...)

Sponsored Ad

Umunyabigwi mu mupira w’amaguru,Cristiano Ronaldo ari mu bakinnyi 26 bahamagawe mu ikipe ya Portugal izakina igikombe cy’isi cya 2022 kibura iminsi ngo gitangire muri Qatar.

Uyu mukinyi w’imyaka 37 utarahiriwe n’uyu mwaka w’imikino muri United,agiye gukina igikombe cy’isi cye ku nshuro ya 5 kuko yahereye 2006.

Muri uyu mwaka w’imikino,yakinnye imikino 16 muri United, harimo 10 abanza mu kibuga,atsinda ibitego bitatu gusa.

Umutoza wa Portugal, Fernando Santos, yagize ati: "Abakinnyi bose bahamagawe bazanye inzara yo gutsinda no guhesha Portugal igikombe cy’isi, Ronaldo arimo".

Muri iyi kipe harimo abakinnyi 10 bo muri Premier League.

Abakinnyi bakinana na Ronaldo nka Bruno Fernandes na Diogo Dalot, Joao Cancelo,Ruben Dias na Bernardo Silva ba Manchester City, , Joao Palhinha wa Fulham na batatu ba Wolves Jose Sa, Ruben Neves na Matheus Nunes bose bahamagawe.

Icyakora, abakinnyi nka Joao Moutinho na mugenzi we Goncalo Guedes bo muri Wolves, hamwe n’umukinnyi wo hagati wa Paris St-Germain, Renato Sanches ntabwo bahamagawe.

Portugal izaba idafite rutahizamu wa Liverpool Diogo Jota wavunitse ariko myugariro wa Porto, Pepe w’imyaka 39 yahamagawe.

Portugal iri mu itsinda H, izafungura imikino y’igikombe cy’isi ikina na Ghana ku wa 24 Ugushyingo mbere yo gukina na Uruguay ku ya 28 Ugushyingo na Koreya y’Epfo ku ya 2 Ukuboza.

Abakinnyi 26 Portugal yahamagaye:

Abanyezamu: Diogo Costa (Porto), Rui Patricio (AS Roma), Jose Sa (Wolverhampton Wanderers)

Ba myugariro: Joao Cancelo (Manchester City), Diogo Dalot (Manchester United), Ruben Dias (Manchester City), Raphael Guerreiro (Borussia Dortmund), Nuno Mendes (Paris St-Germain), Pepe (Porto), Danilo Pereira (Paris St-Germain), Antonio Silva (Benfica)

Abo hagati: William Carvalho (Real Betis), Bruno Fernandes (Manchester United), Joao Mario (Benfica), Ruben Neves (Wolverhampton Wanderers), Matheus Nunes (Wolverhampton Wanderers), Otavio (Porto), Joao Palhinha (Fulham), Bernardo Silva (Manchester City), Vitinha (Paris St-Germain)

Ba rutahizamu: Joao Felix (Atletico Madrid), Ricardo Horta (SC Braga), Rafael Leao (AC Milan), Goncalo Ramos (Benfica), Cristiano Ronaldo (Manchester United), Andre Silva (RB Leipzig).