Cristiano Ronaldo yamaganye imyifatire mibi n’ubunyamwuga buke by’abakinnyi bakiri bato ba Manchester United.
Mu kiganiro cye cyaciye ibintu kuri Talk TV,cyibanze ku ngingo nyinshi - zirimo ibitekerezo bye ku wahoze ari umutoza we Ole Gunnar Solskjaer, gupfusha umwana we ndetse n’uko yari yegereje kwinjira mu ikipe ya Manchester City mu 2021,Ronaldo yibasiye abakinnyi bato bakinira United.
Uyu mukinnyi ukomoka muri Portugal yinubira ko abakinnyi bakiri bato boroshya ibintu cyane ndetse ko (...)

Sponsored Ad

Cristiano Ronaldo yamaganye imyifatire mibi n’ubunyamwuga buke by’abakinnyi bakiri bato ba Manchester United.

Mu kiganiro cye cyaciye ibintu kuri Talk TV,cyibanze ku ngingo nyinshi - zirimo ibitekerezo bye ku wahoze ari umutoza we Ole Gunnar Solskjaer, gupfusha umwana we ndetse n’uko yari yegereje kwinjira mu ikipe ya Manchester City mu 2021,Ronaldo yibasiye abakinnyi bato bakinira United.

Uyu mukinnyi ukomoka muri Portugal yinubira ko abakinnyi bakiri bato boroshya ibintu cyane ndetse ko batumva inama ze.

Icyakora yavuze ko Diogo Dalot, Lisandro Martinez na Casemiro ari abanyamwuga bo ku rwego rwo hejuru.

Ronaldo yagize ati: ’Ntabwo ntekereza ko bubaha abakinnyi b’inararibonye cyangwa abakinnyi bakuze, ariko babayeho mu kiragano gitandukanye. Nshobora kuvuga ko umwana wanjye ufite imyaka 12, imitekerereze atari imwe.

’Inzara yabo iratandukanye]. Ntekereza ko bafata ibintu nk’ibyoroshye, ibintu byose biroroshye, ntibababara - kandi ntibita ku bintu.

’Ntabwo nshaka kuvuga bake bo muri Manchester United, ariko amakipe yose muri shampiyona zose zo kw’isi, abato ntabwo bameze nk’abo mu gihe cyanjye. Ariko ntushobora kubagaya, kuko ni kimwe mu bigize ubuzima n’ikiragano gishya, ikoranabuhanga rishya rirabarangaza.

’Barumva ariko niyo mpamvu dufite amatwi abiri,bumvisha ugutwi kumwe bigasohokera mu kundi.

’Ntabwo bitangaje. Ariko mu buryo bumwe biteye isoni kuko niba bafite ingero nziza mu maso yabo,ariko ntibabashe kwigana ibyo wakoze,kuri njye ni ibintu bidasanzwe, kuko nibuka igihe nari mfite imyaka 18, 19, 20, buri gihe nareberaga ku bakinnyi beza nka Van Nistelrooy, Ferdinand, Roy Keane, na Giggs - niyo mpamvu nabonye intsinzi kandi irambye.

Ronaldo yashoboye gutoranya abakinnyi batatu akunda muri United y’ubu.Yavuze ati: ’Muri Manchester United nshobora kuvuga Dalot, ni muto, ariko ni umunyamwuga cyane ariko sinshidikanya ko azaramba mu mupira w’amaguru kuko akiri muto, afite ubwenge kandi ni umuhanga cyane. Nanone kandi Martinez, Casemiro uri mu myaka 30, ariko navuga Dalot. ’