Umutoza Eric Ten Hag wa Manchester United yasabye akomeje abakinnyi be gukina nk’ikipe no kubaha amabwiriza.
Ikipe ya United iri ku mwanya wa nyuma muri Premier League,nyuma yo gutsindwa imikino 2 itangira iyi shampiyona irimo uwa Brighton n’uwo yanyagiwemo na Brentford ibitego 4-0.
Mbere yo guhura na Liverpool ku wa mbere w’icyumweru gitaha,Umutoza Ten Hag yisabiye abakinnyi be guhuza umukino no kumvira amabwiriza ye kurusha ibindi.
Yagize ati "Mukine nk’ikipe,Mwumvire amategeko (...)

Sponsored Ad

Umutoza Eric Ten Hag wa Manchester United yasabye akomeje abakinnyi be gukina nk’ikipe no kubaha amabwiriza.

Ikipe ya United iri ku mwanya wa nyuma muri Premier League,nyuma yo gutsindwa imikino 2 itangira iyi shampiyona irimo uwa Brighton n’uwo yanyagiwemo na Brentford ibitego 4-0.

Mbere yo guhura na Liverpool ku wa mbere w’icyumweru gitaha,Umutoza Ten Hag yisabiye abakinnyi be guhuza umukino no kumvira amabwiriza ye kurusha ibindi.

Yagize ati "Mukine nk’ikipe,Mwumvire amategeko n’amahame,munakore cyane ku rwego rurenze.Nimubikora gutyo muzagira icyizere."

Umutoza Ten Hag yagie agahinda kenshi nyuma yo kunyagirwa na Brentford,asaba imbabazi abafana ndetse yemeza ko ikipe "icyeneye abakinnyi beza".

Ku wa gatandatu w’icyumweru gishize, United yanyagiwe ibitego 4-0 kwa Brentford - itsindwa ibitego bine mu minota 35 ibanza y’umukino - kandi nta nota ifite nyuma y’imikino ibiri ya shampiyona ya Premier League y’uyu mwaka.

Umuholandi Ten Hag, watangiye gutoza iyi kipe mu kwezi kwa gatanu uyu mwaka, nyuma y’uwo mukino yabwiye Sky Sports ko uko ibintu bimeze ari "urugendo rugoye".

Yagize ati: "Tugomba gutanga urwego rwo hejuru kurusha ibyo twakoze uyu munsi.

"Nk’ikipe, turi mu rugendo rugoye. Uba witeze intangiriro itandukanye. Si yo twari twiteze.

"Ducyeneye abakinnyi bashya. Ducyeneye abakinnyi beza. Ibyo turimo kubikoraho kandi tuzakora ikintu cyose kugira ngo tubemeze kuza".

United yaguze Kizigenza Casemiro uri mu bakinnyi ba mbere ku isi mu kibuga hagati ndetse wafashije Real Madrid kwegukana ibikombe 5 bya UEFA Champions League.