Ikipe yigihugu ya Eritrea ntizitabira Tour du Rwanda 2022 kuko idashobora kuzuza ibisabwa n’inzego z’ubuzima byasabwe n’abategura iri rushanwa.
Bimwe mu bisabwa ngo witabire Tour du Rwanda 2022 ni uko ugomba kuba warafashe nibura doze 2 z’urukingo rwa COVID-19 kandi ibyo ntabwo Eritrea ibishaka.
Ibi byatangajwe ku mbuga nkoranyambaga za Tour du Rwanda mu gitondo cyo kuri uyu wa Gatanu tariki ya 28 Mutarama 2022.
Iyi Tour du Rwanda igiye kuba ku nshuro ya 14 igomba gutangira ku ya 20 kugeza (...)

Sponsored Ad

Ikipe yigihugu ya Eritrea ntizitabira Tour du Rwanda 2022 kuko idashobora kuzuza ibisabwa n’inzego z’ubuzima byasabwe n’abategura iri rushanwa.

Bimwe mu bisabwa ngo witabire Tour du Rwanda 2022 ni uko ugomba kuba warafashe nibura doze 2 z’urukingo rwa COVID-19 kandi ibyo ntabwo Eritrea ibishaka.

Ibi byatangajwe ku mbuga nkoranyambaga za Tour du Rwanda mu gitondo cyo kuri uyu wa Gatanu tariki ya 28 Mutarama 2022.

Iyi Tour du Rwanda igiye kuba ku nshuro ya 14 igomba gutangira ku ya 20 kugeza ku ya 27 Gashyantare 2022.

Tour du Rwanda 2022 yagombaga kwiitabirwa n’amakipe 19 arimo abiri yo mu Rwanda ariko kuvamo kwa Eritrea gutumye asigara ari 18.

Eritrea ni imwe mu makipe yitwaye neza muri Tour du Rwanda yitabiriye aho abakinnyi bakomoka hariya bafite ubuhanga budasanzwe mu mukino wo gusiganwa ku magare.

Tour du Rwanda igiye kuba ku nshuro ya 14, yabaye mpuzamahanga kuva mu 2009, aho yari ku rwego rwa 2.2 kugeza mu 2019 ubwo yegukanwaga na Mugisha Samuel akaba ari we mukinnyi Munyarwanda uheruka kwegukana iri rushanwa.

Amakipe 18 byitezwe ko azitabira Tour du Rwanda 2022 nta gihindutse:

Amakipe y’Ibihugu (4): Rwanda, Algérie, Maroc na Grande Bretagne.

Amakipe yo ku migabane (8): Benediction Ignite (Rwanda), Tarteletto Isorex (u Bubiligi), Wildlife (USA), Pro Touch (Afurika y’Epfo), Bike Aid (u Budage), SKS Sauerland (u Budage), Team Coop (Norvege) na TSG Terengganu (Malaysia).

Amakipe yabigize umwuga (6): Team Novo Nordisk (USA), B&B Hotel (France), Drone Hopper Androni (Italie), Team Total Energies (France), Team Burgos BH (Espagne) na Israël Start Up Nation (Israël).

Inzira za Tour du Rwanda 2022

Agace ka mbere: Tariki ya 20 Gashyantare 2022: Kigali Arena- Kigali Arena (Ibilometero 4,0)
Agace ka kabiri: Tariki ya 21 Gashyantare 2022: Kigali- Rwamagana (Ibilometero 148,3)
Agace ka gatatu: Tariki ya 22 Gashyantare 2022: Kigali- Rubavu (Ibilometero 155,9)
Agace ka kane: Tariki ya 23 Gashyantare 2022: Kigali- Gicumbi (Ibilometero 124,3)
Agace ka gatanu: Tariki ya 24 Gashyantare 2022: Muhanga- Musanze (Ibilometero 124,7 )
Agace ka gatandatu: Tariki ya 25 Gashyantare 2022: Musanze- Kigali (Ibilometero 152,0)
Agace ka karindwi: Tariki ya 26 Gashyantare 2022: Kigali-Gicumbi-Kigali (Ibilometero 152,6)
Agace ka munani: Tariki ya 27 Gashyantare 2022: Kigali- Kigali (Ibilometero 75,3)