• Amavubi azacakirana na Ethiopia mu mukino ubanza wo gushaka itike yo kwerekeza muri CHAN 2017 ku munsi w’ejo
• Ikipe ya Ethiopia niyo ifite amateka akomeye kurusha Amavubi
• Umukino wo kwishyura uzabera I Kigali taliki ya 12 Ugushyingo 2017

Sponsored Ad

Kuri iki cyumweru Taliki ya 05 Ugushyingo 2017 nibwo ikipe ya Ethiopia izacakirana n’u Rwanda mu mukino wo gushaka itike yo kwerekeza mu mikino ya nyuma y’igikombe cy’afurika cy’abakinnyi bakina imbere mu bihugu byabo (CHAN ).

Aya makipe aherereye mu karere ka Afuika y’iburasirazuba niyo yahawe amahirwe nyuma y’aho Kenya yamburiwe kwakira iki gikombe kubera imyiteguro mibi aho yahise ibura n’itike yo kwitabira iyi mikino byatumye CAF iha amahirwe Misiri iyatera inyoni none aya makipe yombi agiye kwishakamo iya 16 yerekeza muri iyi mikino.

Ikipe ya Ethiopia itazirwa akazina ka The Walias yashinzwe mu mwaka wa 1943 ikaba ikinira kuri stade ya Addis Ababa Stadium iherereye mu mugi wa Addis Ababa.

Ikipe ya Ethiopia irusha ibigwi Amavubi kuko yo yabashije kwegukana igikombe cy’Afurika mu mwaka wa 1962 yakiriye, ndetse yo na Misiri na Sudan nibyo bihugu 3 byitabiriye igikombe cya Afurika cya mbere mu mateka,mu gihe u Rwanda amateka rwakoze ari ukubona itike yo kwerekeza muri CAN 2004 yabereye muri Tunisia aho rwaviriyemo mu matsinda.

Ikipe ya Ethiopia umwanya mwiza yagize ku rutonde rwa FIFA ni umwanya wa 86 mu mwaka wa 2006 mu gihe umwanya mubi bagize ari uwa 155 bagize 2001.Ku rutonde ruheruka yari ku mwanya wa 151.

Umwanya mwiza u Rwanda rwagize ni uwa 64 mu mwaka wa 2015 mu gihe umwanya mubi rwagize ari uwa 178 muri Nyakanga 1999.Ku rutonde rwa FIFA ruheruka u Rwanda rwaje ku mwanya wa 118.

Ikipe ya Ethiopia yakinnye umukino wa mbere mpuzamahanga mu mwaka wa 1947 ubwo yatsindaga Somalia ibitego 5-0 mu gihe yemewe na FIFA mu mwaka wa 1951.
Ikipe ya Ethiopia yatwaye CECAFA 4 (1987,2001,2004 ,2005)mu gihe Amavubi yo yatwaye CECAFA rimwe mu mwaka wa 1999.

Uretse kuba ikipe ya Ethiopia yaratwaye igikombe cya CAN 1962 yabashije kuba iya 2 inshuro 1 (1957) ndetse iba iya 3 inshuro 1 (1959).

Imwe mu mikino itazibagirana yahuje u rwanda na Ethiopia harimo umukino wanyuma wa CECAFA 2005 yari yabereye I Kigali aho byarangiye Ethiopia itsinze Amavubi 1-0 cyatsinzwe na Andualem Negusse,n’imikino 2 yahuje aya makipe yombi mu gushaka itike yo kwerekeza mu mikino ya CHAN 2015 yarangiye amakipe yombi ubanza n’uwo kwishyura aho amakipe yombi yatsindanye 1-0 bikarangira hitabajwe penaliti zahiriye Ethiopia (5-4).

Umukino uheruka guhuza Amavubi na Ethiopia muri CECAFA 2015 warangiye u Rwanda rutsinze igitego 1-0 cya Sugira Ernest.