skol
Kigali
startimes

FC Barcelona yagurishije Luis Suarez mu ikipe iyigora cyane

Imyidagaduro   Yanditswe na: Dusingizimana Remy 23 September 2020 Yasuwe: 1804

Ikipe ya Barcelona yemeye kureka rutahizamu Luis Suarez akerekeza mu ikipe mukeba ya Atletico Madrid.

Suarez ntabwo yifuzwaga muri Barça ndetse iyi kipe yari yiteguye no kuba yamureka akayivamo ku buntu, icy’ingenzi ari uko atagiye muri imwe mu makipe akomeye.

Uyu rutahizamu w’imyaka 33 ukomoka muri Uruguay, yemeye amasezerano arimo kugabanyirizwa umushahara mu ikipe ya Atletico, nyuma yuko gahunda yo kwerekeza muri Juventus idakunze kubera ibibazo bijyanye n’urwandiko rw’inzira (passport).

Byatumye umukuru wa Barcelona Josep Maria Bartomeu yari yabaye ahagaritse amasezerano yo kuba Suarez yagenda kuko atashakaga kumugurisha mu ikipe mukeba muri shampiyona ya La Liga.

Ariko, nyuma yo kugirana ibiganiro n’abahagarariye Suarez, Barcelona yisubiyeho kuri icyo cyemezo, nyuma yuko uyu rutahizamu akangishije ko ibibazo bye abishyira mu itangazamakuru.

Atletico izamugura amafaranga ameze nk’ikimenyetso cy’ishimwe kuri Barcelona atarenze miliyoni 4 z’ama-euro, azashingirwa ku birimo nko guhesha iyo kipe itike yo gukina Champions League.

Ku mwaka, Suarez azajya ahembwa kimwe cya kabiri (miliyoni 15 z’ama-euro) cya miliyoni 30 z’ama-euro yahembwaga muri Barcelona.

Aya masezerano ashoje igihe cy’imyaka itandatu yari amaze muri Barça, yatsindiye ibitego 198 mu mikino 283 yayikiniye, ndetse aba umwe mu bari ba rutahizamu batatu bayo batinywaga ari kumwe na Lionel Messi na Neymar.

Yageze muri Barcelona mu 2014 avuye muri Liverpool aguzwe miliyoni 74 z’amapawundi.

Yafashije Barcelona kwegukana ibikombe bine bya shampiyona, ibikombe bine by’umwami (Copa del Rey), igikombe cya Champions League n’icy’isi cy’amakipe y’ama-clubs mu 2015.

Aya masezerano yo kwerekeza muri Atletico anashoje kimwe mu bibazo byari bimaze igihe byo kuva mu ikipe kuri iyi mpeshyi, mbere byasaga nkaho uyu mukinnyi bizarangira ageze mu mujyi wa Turin gukinira Juventus.

Ariko abakuru ba Juventus bavuga ko ibyo bitakunze kubera igihe byari gufata ngo babonere Suarez ’passport’ y’Ubutaliyani.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mugheni Fabrice wakunzwe n’abafana ba Rayon Sports yerekanwe nk’umukinnyi...

Umukinnyi Kakule Mugheni Fabrice wahoze akina hagati mu kibuga muri Rayon...
27 October 2020 Yasuwe: 674 0

Jose Mourinho yarakariye abakinnyi be kubera ibyo yabasanzemo nyuma...

Umutoza wa Tottenham,Jose Mourinho yarakariye abakinnyi be nyuma y’umukino...
27 October 2020 Yasuwe: 1759 0

Mikel Arteta yatangaje impamvu Arsenal ikomeje gutsindwa umusubirizo

Umutoza Mikel Arteta w’ikipe ya Arsenal yatangaje ko impamvu ikipe ye iri...
27 October 2020 Yasuwe: 1665 0

FC Barcelona yashinje umusifuzi wayisifuriye ku mukino wa El Clasico kuba...

Ikipe ya FC Barcelona yamaze kwandikira ishyirahamwe ry’umupira w’amaguru...
26 October 2020 Yasuwe: 1361 0

Lionel Messi yageneye ubutumwa Cristiano Ronaldo urwaye Covid-19 mbere yo...

Kizigenza Lionel Messi ukinira ikipe ya FC Barcelona yavuze ko atifuza...
26 October 2020 Yasuwe: 3941 1

Pogba yise ibihuha amakuru yavugaga ko yasezeye mu ikipe y’igihugu...

Abicishije ku rubuga rwe rwa Twitter Pogba yamaganye inkuru zivuga ko...
26 October 2020 Yasuwe: 675 0