Ishyirahamwe ry’Umupira w’Amaguru mu Rwanda (FERWAFA) ryemeje ko amakuru yatazwe n’Impuzamashyirahamwe y’Umupira w’Amaguru ku mugabane wa Afurika (CAF) ku isubukurwa rya shampiyona atari ukuri.
CAF ibinyujije ku rubuga rwayo rwa internet kuri Cyumweru tariki 21 Werirwe 2021,yatangaje ko Shampiyona y’Umupira w’Amaguru mu Rwanda izatangira ku wa 15 Mata 2021 ayo yemeje ko baganiriye n’umuvugizi wungiije w’Ishyirahamwe ry’Umupira w’Amaguru mu Rwanda (FERWAFA),Jules Karangwa.
Abinyujije kuri Twitter, (...)

Sponsored Ad

Ishyirahamwe ry’Umupira w’Amaguru mu Rwanda (FERWAFA) ryemeje ko amakuru yatazwe n’Impuzamashyirahamwe y’Umupira w’Amaguru ku mugabane wa Afurika (CAF) ku isubukurwa rya shampiyona atari ukuri.

CAF ibinyujije ku rubuga rwayo rwa internet kuri Cyumweru tariki 21 Werirwe 2021,yatangaje ko Shampiyona y’Umupira w’Amaguru mu Rwanda izatangira ku wa 15 Mata 2021 ayo yemeje ko baganiriye n’umuvugizi wungiije w’Ishyirahamwe ry’Umupira w’Amaguru mu Rwanda (FERWAFA),Jules Karangwa.

Abinyujije kuri Twitter, Umuvugizi wungirije wa FERWAFA, Jules Karangwa,yatangaje ko ayo makuru atari yo ndetse ko nta n’ushinzwe itangazamakuru muri CAF yigeze avugana na we, ku isubukurwa rya shampiyona y’ikiciro cya mbere mu Rwanda.

Jules Karangwa yagize ati "Namaganye nivuye inyuma iyi nkuru ya CAF kuko nta muntu n’umwe navuganye nawe mu bagize ikipe y’abanyamakuru ba CAF ku bijyanye na shampiyona.Ni gute natangaza amakuru y’isubukurwa rya shampiyona kandi Guverinoma itarafungura ibikorwa bya ruhago?."

Urubuga rwa internet rw’Impuzamashyirahamwe y’Umupira w’Amaguru muri Afurika, CAF, rwatangaje ko Umuvugizi wungirije wa FERWAFA, Karangwa Jules, yarubwiye ko bateganyije ko mu gihe shampiyona izaba ikomorewe, izakinwa mu matsinda ndetse ikaba yatangira tariki ya 15 Mata 2021.

CAF yanditse ko ubu buryo bwatuma Shampiyona y’Icyiciro cya Mbere ikinwa mu gihe cy’ibyumweru biri hagati ya bine na bitandatu.

Amakuru yavugaga ko APR FC, Rayon Sports, Police FC na Mukura arizo zari kuyobora amatsinda.