Ishyirahamwe ry’umupira w’amaguru mu Rwanda FERWAFA ryanze icyifuzo Rayonn Sports yari yatanze cyo kwimura umukino wayo na Aspor mu gikombe cy’Amahoro ugashyirwa kuri uyu wa Gatatu kugira ngo nibasha gukomeza izakine na Etincelles FC ku wa Gatanu mu mukino ubanza kugira ngo biyirinde kugira imikino myinshi y’ibirarane.
Mu mukino ubanza Rayon Sports yatsinze Aspor ibitego 5-0
Nkuko umunyabanga mukuru wa Rayon Sports Itangishaka Bernard yabitangarije Radio Flash FM,bemeranyije na Aspor (...)

Sponsored Ad

Ishyirahamwe ry’umupira w’amaguru mu Rwanda FERWAFA ryanze icyifuzo Rayonn Sports yari yatanze cyo kwimura umukino wayo na Aspor mu gikombe cy’Amahoro ugashyirwa kuri uyu wa Gatatu kugira ngo nibasha gukomeza izakine na Etincelles FC ku wa Gatanu mu mukino ubanza kugira ngo biyirinde kugira imikino myinshi y’ibirarane.


Mu mukino ubanza Rayon Sports yatsinze Aspor ibitego 5-0

Nkuko umunyabanga mukuru wa Rayon Sports Itangishaka Bernard yabitangarije Radio Flash FM,bemeranyije na Aspor gukina umukino wo kwishyura w’igikombe cy’Amahoro kuri uyu wa Gatatu FERWAFA irabyanga ,kandi barabikoze mu rwego rwo kwirinda imikino y’ibirarane.

Yagize ati “Twaganiriye ku wa mbere na Aspor ko twakina umukino wo kwishyura ku wa Gatatu mu rwego rwo kwirinda kuzagira ikirarane cya Etincelles,FERWAFA irabyanga itubwira ko itakwimura umukino ugomba kuzakinwa ku wa Gatanu kandi niho twifuzaga kuzakina na Etincelles mu mukino ubanza igihe twari kuba dusezereye Aspor.”

Itangishaka yavuze ko atazi icyo FERWAFA yashingiyeho yanga ko bimura uyu mukino kuko amakipe yombi yari yabyumvikanyeho kandi intego yabo ari ukwirinda ko ibirarane bikomeza kubabana byinshi.

Kuba FERWAFA yatesheje agaciro icyifuzo cya Rayon Sports bizatuma ikina umukino wa Aspor ku wa 5 bityo uwa Etincelles FC ube ikirarane kuko icyumweru gitaha izaba itegura umukino wa Costa Do Sol.

Rayon Sports yifuzaga ko imikino y’igikombe cy’Amahoro ifite yigizwa imbere kugira ngo ibashe gutegura umukino ubanza na Costa Do Sol mu mikino ya CAF Confederations Cup uzabera kuri Stade ya Kigali I Nyamirambo ku wa 06 Mata 2018.